လုပ်ငန်းညှိနှိုင်းအစည်းအဝေးများ

(၇.၆.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း၏ အလုပ်အမှုဆောင်အစည်းအဝေးကိုကျင်းပပြုလုပ်ရာ ဥက္ကဌ၊ ဒုဥက္ကဌ၊ အလုပ်အမှုဆောင်များ၊ အဖွဲ့ဝင်များနှင့် ရှေ့လုပ်ငန်းစဉ်များဆက်လက်လုပ်ဆောင်နိုင်ရန် တွေ့ဆုံဆွေးနွေးခဲ့ကြပါသည်။

(၆.၆.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌသည် နေပြည်တော် ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးကြီး ကြပ်မှုကော်မတီမှ အဖွဲ့ဝင်များနှင့်ပူးပေါင်း၍ လယ်ဝေးမြို့ Wisdom Light Preschool ပုဂ္ဂလိကမူလတန်းကြိုကျောင်းသို့ သွားရောက်ကြည့်ရှုစစ်ဆေးခြင်းလုပ်ငန်းများနှင့် တည်ထောင်ခွင့်ပြုမိန့်ပေးနိုင်ရေးအတွက် ပူးပေါင်းပါဝင်ဆောင်ရွက်ခဲ့ပါသည်။

(၅.၆.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ပဲခူးမြို့၊ မြို့တော်ခန်းမ၌ တိုင်းဒေသကြီးပတ်ဝန်းကျင်ထိန်းသိမ်းရေး ဦးစီးဌာနက ကျင်းပပြုလုပ်သော ၂၀၂၄ ခုနှစ်၊ ကမ္ဘာ့ပတ်ဝန်းကျင်ထိန်းသိမ်းရေးနေ့ (World Environment Day)အထိမ်းအမှတ်အခမ်းအနားကို တက်ရောက်ပြီး ဆုရရှိသူများနှင့် မှတ်တမ်းဓါတ် ပုံရိုက်ကူးခဲ့ကြပါသည်။

(၅.၆.၂၀၂၄)ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် မော်လမြိုင်မြို့၊ ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် (၂၀၂၄)ခုနှစ် မိုးရာသီသစ်ပင်စိုက်ပျိုးပွဲကို တက်ရောက်စိုက်ပျိုးခဲ့ပါသည်။

(၃၀.၅.၂၀၂၄)ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် မွန်ပြည်နယ်၊ အားကစားဝန်ကြီးဌာနနှင့် အမျိုးသမီးရေးရာအသင်းတို့ပူးပေါင်း၍ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် အားကစားလှုပ်ရှားမှု သရုပ်ပြပွဲပြုလုပ်ကျင်းပရန်အတွက် အစည်းအဝေးကိုတက်ရောက်ခဲ့ပါသည်။

(၃၀.၅.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင် ရေးအသင်း၏ တစ်နှစ်ပြည့် နှစ်ပတ်လည်နေ့ အထိမ်းအမှတ်အခမ်းအနားကို Sky Palace Hotel တွင် ကျင်းပပြုလုပ်ရာ နေပြည်တော်ကောင်စီဥက္ကဌ၏ဇနီး၊ နေပြည်တော်အမျိုးသမီးကော်မတီ ဥက္ကဌ၊ MWCDF အသင်းဗဟိုမှ ဒုဥက္ကဌ၊ အတွင်းရေးမှူးနှင့် ဗဟိုအလုပ်အမှုဆောင်များ၊ နေပြည်တော် အမျိုးသမီးရေးရာအဖွဲ့ချုပ်နှင့် နေပြည်တော် မိခင်နှင့်ကလေးစောင့်ရှောက်ရေးအသင်းတို့မှ ဥက္ကဌနှင့် အတွင်းရေးမှူး၊ နေပြည်တော်ရှိ NCCI, MCIA, MSME, MRESA, MRPDA စသည့်အသင်းအဖွဲ့ အစည်းများ၊ ဖိတ်ကြားထားသော ဌာနဆိုင်ရာများနှင့် အလှူရှင်များတက်ရောက်ခဲ့ကြပါသည်။