လုပ်ငန်းညှိနှိုင်းအစည်းအဝေးများ

(၇.၅.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ပဲခူးမြို့၊ မြို့တော်ခန်းမ၌ကျင်းပသော ပဲခူးတိုင်းဒေသကြီး လူငယ်ရေးရာ အသိပညာပေးဟောပြောပွဲ အခမ်းအနားကို တက်ရောက်ခဲ့ပါသည်။ 

(၁.၅.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် ပဲခူးမြို့၊ မြို့တော်ခန်းမ၌ တိုင်းဒေသကြီးအစိုးရအဖွဲ့မှကြီးမှူးကျင်းပသော “ကမ္ဘာ့အလုပ်သမားနေ့” အထိမ်းအမှတ်အခမ်းအနားကို တက်ရောက်ခဲ့ပါသည်။

(၃.၄.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌသည် ရှမ်းပြည်နယ်(တောင်ပိုင်း) ကြက်ခြေနီကြီးကြပ်ကော်မတီ၏ (၁/၂၀၂၄)အစည်းအဝေးသို့ တက်ရောက်ခဲ့ပါသည်။

(၃.၄.၂၀၂၄)ရက်နေ့တွင် ရှမ်းပြည်နယ်(တောင်ပိုင်း)အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် (၄)ဦးတို့သည် မြန်မာနိုင်ငံကြက်ခြေနီအသင်း၊ ကျန်းမာရေးဌာန၊ ရှေးဦးပြုစုခြင်းနှင့် အန္တရာယ်ကင်းရှင်းရေးဌာနတို့မှ ရှမ်းပြည်နယ်၊ ကယားပြည်နယ်တို့တွင် တိုက်ပွဲကြောင့်ထိခိုက်ခံစားရသော ဒေသခံပြည်သူလူထုများကို အရှိန်အဟုန်မြှင့် ကူညီဆောင်ရွက်ပေးနိုင်ရန် ကျင်းပပြုလုပ်သော Child First Aid Training psychosocial support training ဖွင့်ပွဲအခမ်းအနားသို့ တက်ရောက်ခဲ့ကြပါသည်။

(၃၁.၃.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဒုဥက္ကဌ၊ အတွင်းရေးမှူးနှင့် အလုပ်အမှုဆောင်များသည် တောင်ကြီးမြို့၊ ခိုင်မေတ္တာဆေးရုံသင်တန်းခန်းမ၌ ကျင်းပပြုလုပ်သည့် အသင်းသားသစ်လျှောက်လွှာများကြိုဆို လက်ခံပွဲအခမ်းအနားတွင် အသင်းဝင်အသစ်များနှင့်တွေ့ဆုံကြပြီး အမျိုးသမီးနှင့် ကလေးသူငယ်များ၏ အခွင့်အရေးများအကြောင်း ရင်နှီးပွင့်လင်းစွာ ဆွေးနွေးခဲ့ကြပါသည်။

(၂၃.၃.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း မှအသင်းဝင်များသည် တိုင်းဒေသကြီးအစိုးရရုံးတွင် ကျင်းပပြုလုပ်သည့် MSMES စီးပွားရေးလုပ်ငန်း များဖွံ့ဖြိုးတိုးတက်ရေး အေဂျင်စီလုပ်ငန်းညှိနှိုင်းအစည်းအဝေးကို သင်တန်းဆင်းပြီးမြောက်ပြီး ကိုယ်ပိုင်စီးပွားရေးပြုလုပ်နိုင်သည်အထိ MSMES အဖွဲ့မှ  ကြည့်ရှုစစ်ဆေးခြင်း၊ လက်တွေ့ပြသခြင်းများ ဆောင်ရွက်ပေးသွားခဲ့ပါသည်။