လုပ်ငန်းညှိနှိုင်းအစည်းအဝေးများ

(၁၃.၈.၂၀၁၉)နေ့လည်ပိုင်း တွင် MWCDF(SSS) မြန်မာနိုင်ငံ အမျိုးသမီးများနှင့် ကလေး သူငယ်များ ဘဝမြှင့်တင်ရေး(ရှမ်းတောင်) အသင်း၏ ပရဟိတ ဆောင်ရွက်မှုများအား ရှမ်းပြည်နယ် အစိုးရ ဖွဲ့ရုံးသို့သွားရောက်ပြီး ဗမာတိုင်းရင်းသားဝန်ကြီး ဒေါက်တာ အောင်သန်းမောင်ထံ တင်ပြခဲ့ပါသည်။ ဗမာတိုင်းရင်းသားဝန်ကြီးမှ စိတ်ဝင်တစားမေးမြန်းသမျှကို အသင်းဥက္ကဌ သုဓမ္မသိဂီ ဒေါ်ကေသီအောင်၊ ဒုဥက္ကဌ(၁) ဒေါ်သန္တာမင်း နှင့်အလုပ်မှုဆောင်များက ရှင်းလင်းတင်ပြကာ မှတ်တမ်းဓာတ်ပုံစာအုပ်အား ရှမ်းပြည်နယ် အစိုးရ အဖွဲ့ရုံးရှိ ဗမာတိုင်းရင်းသားဝန်ကြီးရုံးခန်းတွင် ပေးအပ်ခဲ့ပါသည်။

(၁၅.၈.၂၀၁၉)နေ့တွင် တနင်္သာရီတိုင်း၊ ထားဝယ်မြို့ MWCDF အသင်းမှ အလုပ်အမှုဆောင်များသည် ထားဝယ်မြို့၊ လူမှုဝန်ထမ်းဦးစီးဌာနမှ ကျင်းပပြုလုပ်သော တနင်္သာရီတိုင်းဒေသကြီးအတွင်းရှိ စေတနာ့ဝန်ထမ်းအဖွဲ့အစည်းများသို့ (၂၀၁၈-၂၀၁၉)ခု/ဘဏ္ဍာရေးနှစ် ထောက်ပံ့ကြေးငွေများထောက်ပံ့ခြင်းအခမ်းအနားသို့ တက်ရောက်ခဲ့ပါသည်။

(၁၄.၈.၂၀၁၉)နေ့တွင် မြန်မာနိုင်ငံအမျိုးသမီး များနှင့် ကလေး သူငယ် များ ဘဝမြင့်တင်ရေး အသင်း (ရှမ်း ပြည် နယ် မြောက် ပိုင်း ) ဥက္ကဌနှင့် အဖွဲ့ ဝင် များ သည် ပြည်နယ်အမျိုးသမီးရေးရာအဖွဲ့ ၊ ပြည်နယ်မိခင်နှင့်ကလေးစောင့်ရှောက်ရေးကြီးကြပ်အဖွဲ့ဥက္ကဌ နှင့် ခရိုင် ၊ မြို့ နယ် အဖွဲ့ဝင်များ နှင့် အတူရှမ်းပြည် နယ်မြောက်ပိုင်းကျန်းမာရေး နှင့် ကုသရေးဦးစီးဌာနမှကြီးမှူးကျင်းပသော ” အာဟာရဖွံ့ဖြိုးရေးရက်သတ္တပါတ်လှုပ်ရှားမှုအခမ်းအနား” သို့ တက်ရောက်ပါဝင်လှုပ်ရှားခဲ့ပါသည်။  

(၃၀.၄.၂၀၁၉)နေ့တွင် မြန်မာနိုင်ငံ မိခင်နှင့်ကလေးစောင့်ရှောက်ရေးအသင်း (MMCWA)၏ (၂၉)ကြိမ်မြောက် နှစ်ပတ်လည်အစည်းအဝေး အလှူငွေပေးအပ်ပွဲအခမ်းအနားသို့ MWCDF အသင်းမှ ဥက္ကဋ္ဌနှင့် တွဲဘက်အတွင်းရေးမှူးတို့ တက်ရောက်၍ အလှူငွေပေးအပ်လှူဒါန်းခဲ့ပါသည်။

(၂၆.၄.၂၀၁၉)နေ့တွင် ရန်ကုန်တိုင်း (MWCDF)အသင်းမှ အလုပ်အမှုဆောင်များသည် အသင်းသို့ ထပ်မံဝင်ရောက်လာသော အဖွဲ့ဝင်သစ်များအား ကြိုဆိုကာ အသင်းအကြောင်း၊ အသင်းရည်ရွယ်ချက်များအား ရှင်းလင်းပြောကြာခဲ့ပြီး အဖွဲ့ဝင်သစ်များနှင့် မိတ်ဆက်ခြင်းနှင့် ရန်ကုန်တိုင်း (အရှေ့ပိုင်း၊ အနောက်ပိုင်း၊ တောင်ပိုင်း) ခရိုင်အတွင်းတွင် အသင်း၏ လုပ်ငန်းဆောင်တာများ ဆောင်ရွက်နိုင်ရန် အလုပ်အမှုဆောင်များအား တာဝန်များခွဲဝေခြင်း အစည်းအဝေးကို ပြုလုပ်ခဲ့ပါသည်။