Myanmar Women and Children Development Foundation
(၃၁.၃.၂၀၂၄)ရက်နေ့တွင် ဧရာဝတီတိုင်းဒေသကြီး အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် အမရာမူကြိုကျောင်း၌သင်ယူပြီးမြောက်ခြင်း လက်မှတ်ပေးအပ်ပွဲနှင့် ဆုပေးပွဲအခမ်းအနားသို့ တက်ရောက်၍ သင်ထောက်ကူပစ္စည်းများ ပေးအပ်လှူဒါန်းခဲ့ပါသည်။
(၃၁.၃.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဒုဥက္ကဌ၊ အတွင်းရေးမှူးနှင့် အလုပ်အမှုဆောင်များသည် တောင်ကြီးမြို့၊ ခိုင်မေတ္တာဆေးရုံသင်တန်းခန်းမ၌ ကျင်းပပြုလုပ်သည့် အသင်းသားသစ်လျှောက်လွှာများကြိုဆို လက်ခံပွဲအခမ်းအနားတွင် အသင်းဝင်အသစ်များနှင့်တွေ့ဆုံကြပြီး အမျိုးသမီးနှင့် ကလေးသူငယ်များ၏ အခွင့်အရေးများအကြောင်း ရင်နှီးပွင့်လင်းစွာ ဆွေးနွေးခဲ့ကြပါသည်။
(၃၁.၃.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ကျန်းမာရေးကူညီစောင့်ရှောက်ရန်လိုအပ်နေသော အသဲရောဂါ ဝေဒနာရှင်အမျိုးသမီးအား သွားရောက်ထောက်ပံ့လှူဒါန်းခဲ့ပါသည်။
(၃၀.၃.၂၀၂၄)ရက်နေ့တွင် ဥတ္တရသီရိမြို့၊ အမှတ် (၁၂) အခြေပညာအထက်တန်းကျောင်းတွင် မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ကြီးမှူးကျင်းပသော ကျောင်းအခြေပြု နွေရာသီကွန်ပျူတာသင်တန်းအမှတ် (၂)ဖွင့်ပွဲအခမ်းအနားကို MWCDF အသင်းမှ ဗဟိုအလုပ်အမှုဆောင်များ၊ သင်တန်းနည်းပြဆရာမနှင့် အ.ထ.က (၁၂)ကျောင်းမှ ဆရာ/ဆရာမများ၊ ကျောင်သား/သူများတက်ရောက်ကြပြီး အခမ်းအနားတွင် MWCDF အသင်းမှ ဗဟိုအလုပ်အမှုဆောင် ဒေါက်တာနန္ဒာမွှန်းမှ အမှာစကားပြောကြားခြင်း၊ သင်တန်းနည်းပြဆရာမမှ အမှာစကားပြောကြားခြင်း၊ အသင်းဗဟိုအလုပ်အမှုဆောင်မှ သင်တန်းနည်းပြဆရာမအား ဂုဏ်ပြုချီးမြှင့်ငွေပေးအပ်ခြင်း၊ ကျောင်းသား/သူများနှင့် အမှတ်တရမှတ်တမ်းတင်ဓာတ်ပုံရိုက်ကူးခြင်းများဆောင်ရွက်ပြီး သင်တန်း ဖွင့်ပွဲအခမ်းအနားကို အောင်မြင်စွာကျင်းပနိုင်ခဲ့ပါသည်။
(၂၉.၃.၂၀၂၄)ရက်နေ့တွင် ကချင်ပြည်နယ်၊ အမျိုးသမီးများနှင့် ကလေးသူငယ်များ ဘဝမြှင့်တင်ရေး အသင်းမှ ဝိုင်းမော်မြို့နယ်၊ မိုင်းနားအုပ်စု၊ တိုက်ပွဲရှောင်စခန်းရှိ ပြည်သူများအတွက် ဆန်၊ မာမားခေါက်ဆွဲ၊ ကလေးကစားစရာအရုပ်များနှင့် အမျိုးသမီးလုံချည်များ ထောက်ပံ့လှူဒါန်းခဲ့ကြပါသည်။
(၂၈.၃.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် မဟာဝိသုတာရာမ သီဟိုဠ်ကျောင်းတိုက် မိဘမဲ့၊ ပရိယတ္တိ၊ ပရဟိတကျောင်းရှိ သံဃာတော်များအား နေ့ဆွမ်းဆက်ကပ်လှူဒါန်းပြီး နဝကမ္မအလှူငွေ၊ သင်္ကန်း၊ ထီး၊ ဖိနပ်၊ လှူဖွယ်ခြင်းစုံ၊ စာရေးကိရိယာများလှူဒါန်းခြင်းနှင့် စာသင်သားကိုရင်လေးများကို အအေးနှင့်မုန့်များ ဆက်ကပ်လှူဒါန်းခဲ့ကြပါသည်။
