Myanmar Women and Children Development Foundation
မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဘဏ္ဍာရေးမှူး နှင့် အဖွဲ့ဝင် ၄ ဦးတို့သည် ၅.၁.၂၀၂၆ ရက်နေ့တွင် မန္တလေးမြို့၊ လူမှုဝန်ထမ်းဦးစီးဌာန၊ အမျိုးသမီးသက်မွေးသင်တန်းကျောင်းရှိ အမျိုးသမီး ၁၀၈ ဦးအတွက် ဆပ်ပြာမှုန့်၊ သွားတိုက်ဆေး၊ ခေါက်ဆွဲခြောက်များနှင့် ကော်ဖီမစ်တို့ကို သွားရောက်လှူဒါန်းခဲ့ပါသည်။ စုစုပေါင်းလှူဒါန်းငွေ ၃၅၀,၀၀၀ကျပ်ဖြစ်ပါသည်။
ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင်များသည် ၅.၁.၂၀၂၆ ရက်နေ့တွင် ပဲခူးမြို့၊ ကိုယ်ပိုင်အလယ်တန်းကျောင်း(BBS)၊ ဥဿမြို့သစ် (၁) လခွဲကျောင်း၊ အမှတ်(၁၀) အခြေခံပညာအထက်တန်း နှင့် ဗဟိုမူလွန်ကျောင်းများတို့တွင် သွားရောက်၍ ပညာရည်ချွန်ထူး ချွန်ဆုများပေးအပ်ချီးမြှင့်ခဲ့ကြပြီး BBS ကိုယ်ပိုင်အထက်တန်းကျောင်းအားကစားပြိုင်ပွဲမှ ဆုရရှိသူ ကျောင်းသား/သူများကိုလည်း ဆုချီးမြှင့်ခဲ့ပါသည်။
ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၃ ဦးတို့သည် ၄.၁.၂၀၂၆ ရက်နေ့တွင် (၇၈)နှစ်မြောက် လွတ်လပ်ရေးနေ့အထိမ်းအမှတ် အလံတင်အခမ်းအနား၊ သဝဏ်လွှာဖတ်ပွဲအခမ်းအနားနှင့် ဂုဏ်ပြုညစာစားပွဲအခမ်းအနားသို့ တက်ရောက်ခဲ့ပါသည်။
ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ သည် ၄.၁.၂၀၂၆ ရက်နေ့တွင် (၇၈)နှစ်မြောက် လွတ်လပ်ရေးနေ့အထိမ်းအမှတ် သဝဏ်လွှာဖတ်ပွဲအခမ်းအနားနှင့် ဂုဏ်ပြုညစာစားပွဲ အခမ်းအနားသို့တက်ရောက်ခဲ့ပါသည်။
နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ၄.၁.၂၀၂၆ ရက်နေ့တွင် ပျဉ်းမနားမြို့နယ်၊ တပေါင်းကွင်းတွင်ရောက်ရှိနေကြသော ယာယီမီးဘေးကယ်ဆယ်ရေးစခန်းသို့သွားရောက်ပြီး မီးဘေးသင့်ပြည်သူများထံသို့ ခေါက်ဆွဲခြောက်ထုပ်များ၊ ကော်ဖီမစ်များ၊ ရေသန့်ဗူးများ၊ မုန့်များ၊ အလှူငွေ ၅၀၀,၀၀၀ ကျပ် လှူဒါန်းထောက်ပံ့ခဲ့ပါသည်။ စုစုပေါင်းလှူဒါန်းငွေ ၁,၀၀၀,၀၀၀ ကျပ်ဖြစ်ပါသည်။
ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ၄.၁.၂၀၂၆ ရက်နေ့တွင် (၇၈)နှစ်မြောက် လွတ်လပ်ရေးနေ့ညစာစားပွဲ အခမ်းအနားသို့ တက်ရောက်ခဲ့ကြပါသည်။
