Myanmar Women and Children Development Foundation
ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အလုပ်အမှုဆောင်များသည် ၂၀.၁၀.၂၀၂၅ ရက်နေ့ ပုသိမ်မြို့၊ ပြည်သူ့ဆေးရုံကြီးတွင် ကျန်းမာရေးဝန်ကြီးဌာန၊ ပါမောက္ခ/ အထူးကုဆရာဝန်ကြီးများ၏ မွေးရာပါနှုတ်ခမ်းကွဲ၊ အာခေါင်ကွဲလူနာခွဲစိတ်ကုသမှု အစီအစဉ်တွင် တက်ရောက်ခွဲစိတ်သည့် လူနာများအား MWCDF(AYY) အသင်းမှသွားရောက်တွေ့ဆုံ အားပေး၍ အလှူငွေ ၃၀၀,၀၀၀/-ကျပ် ထောက်ပံ့လှူဒါန်းခဲ့ပါသည်။
ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အလုပ်အမှုဆောင် ၄ ဦးတို့သည် ပုသိမ်မြို့၊ မြို့တော်ခန်းမတွင် ၁၉.၁၀.၂၀၂၅ ရက်နေ့၌ကျင်းပပြုလုပ်သော ပြည်ထောင်စုသမ္မတမြန်မာနိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီးမင်းအောင်လှိုင်နှင့် ပုသိမ်မြို့ရှိဌာနဆိုင်ရာတာဝန်ရှိသူများ၊ မြို့မိမြို့ဖများနှင့် တွေ့ဆုံပွဲအခမ်းအနားသို့ တက်ရောက်ခဲ့ပါသည်။
နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အလုပ်အမှုဆောင်များသည် ၁၅.၁၀.၂၀၂၅ ရက်နေ့တွင် အသင်းအလုပ်အမှုဆောင်အစည်းအဝေးကျင်းပပြီး အသင်းဝင်အသစ်များအား နွေးထွေးစွာကြိုဆိုလက်ခံခဲ့ကြပါသည်။
ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်လေးမေ သည် ၁၅.၁၀.၂၀၂၅ ရက်နေ့တွင် မြစ်ကြီးနားမြို့၊ မြို့တော်ခန်းမ၌ ကျင်းပပြုလုပ်သော ၂၀၂၅ ခုနှစ်၊ “International White Cane Day” “နိုင်ငံတကာမျက်မမြင်လမ်းလျှောက်တုတ်နေ့” အခမ်းအနားသို့တက်ရောက်ခဲ့ပြီး ပြိုင်ပွဲဝင်လူဦးရေ ၂၀၀ စာအတွက် ရေသန့်ဗူးနှင့် ပေါင်မုန့်များ လှူဒါန်းခဲ့ပါသည်။ စုစုပေါင်းလှူဒါန်းငွေ ၂၅၀,၀၀၀/-ကျပ် ဖြစ်ပါသည်။
နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်မော်မော်ထွန်း သည် ၁၄.၁၀.၂၀၂၅ ရက်နေ့တွင် The Hotel Amara ခန်းမတွင်ကျင်းပပြုလုပ်သော ပြည်ထောင်စုနယ်မြေ နေပြည်တော်အတွင်းရှိ ပုဂ္ဂလိကမူလတန်းကြိုကျောင်းများ တည်ထောင်ခွင့်ပြုမိန့်လျှောက်ထားခြင်း၊ သက်တမ်းတိုးခြင်း၊ လုပ်ငန်းစဉ်များနှင့်ပတ်သတ်၍ ရှင်းလင်းပြောကြားခြင်းအခမ်းအနားကို တက်ရောက်ခဲ့ပါသည်။
၁၄.၁၀.၂၀၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ဆွေဆွေတင့် သည် လူမှုဝန်ထမ်းဦးစီးဌာန၊ ဧရာဝတီတိုင်းဒေသကြီး လူမှုဝန်ထမ်းရုံးခန်းမတွင် ကျင်းပပြုလုပ်သည့် “ ပဋိပက္ခအတွင်းလိင်ပိုင်းဆိုင်ရာ အကြမ်းဖက်မှု့တားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာအမျိုးသားအဆင့်လုပ်ငန်းစီမံချက်အကောင်အထည်ဖော်မှု့ ယန္တရားများ၊ ကျား/မအခြေပြုအကြမ်းဖက်ဆိုင်ရာအသိပညာပေးဆွေးနွေးပွဲ” သို့ တက်ရောက်ခဲ့ပါသည်။
