Myanmar

(၂.၁၁.၂၀၂၃) ရက်နေ့တွင် MWCDF အသင်းမှ ဥက္ကဌနှင့် အဖွဲ့ဝင်များသည် တင်္နသာရီတိုင်းဒေသကြီး ထားဝယ်ရိုးရာ သပိတ်‌မျှောပွဲတော်တွင် ထားဝယ်ရိုးရာ အက​အဖွဲ့ဖျော်ဖြေရေး ဥက္ကဋ္ဌတာဝန်၊ ဖွင့်ပွဲအခမ်းအနားတာဝန်နှင့် သပိတ်‌မျှောရန် သပိတ်များစီစစ်ခြင်းတာဝန်များကို ဆောင်ရွက်ပေးခဲ့ကြပါသည်။

(၂၇.၁၀.၂၀၂၃)ရက်နေ့တွင် နေပြည်တော် MWCDF အသင်းဥက္ကဌ သည် နေပြည်တော်၊ ဇမ္ဗူသီရိမြို့နယ်၊ အထွေထွေအုပ်ချုပ်ရေးဦးစီးဌာန၊ စုပေါင်းရုံး အစည်းအဝေးခန်းမတွင်ပြုလုပ်သော အားကစားနှင့်လူငယ်ရေးရာဝန်ကြီးဌာန လူငယ်ရေးရာဦးစီးဌာနမှ ကြီးမှူးကျင်းပသော အသက်မွေးဝမ်းကျောင်း နည်းပညာပေးသင်တန်း အမှတ်စဉ် (၂/၂၀၂၃) သင်တန်းဆင်းပွဲအခမ်းအနားသို့ တက်ရောက်ခဲ့ပါသည်။

(၂၅.၁၀.၂၀၂၃)ရက်နေ့တွင် (၅၀)ကြိမ်မြောက် ဗဟိုအလုပ်အမှုဆောင် အစည်းအဝေးကို ကျင်းပပြုလုပ်ရာ MWCDF အသင်း ဥက္ကဌ၊ ဒုက္ကဌ၊ အတွင်းရေးမှူးနှင့် အလုပ်အမှုဆောင်များ တက်ရောက်ပြီးအသင်း၏ ဆောင်ရွက်နေသောလုပ်ငန်းစဉ်များနှင့်ပတ်သက်၍ ဆွေးနွေးတင်ပြပြီးနောက်   ရှေ့လုပ်ငန်းစဉ်များ ဆွေးနွေးဆုံးဖြတ်အတည်ပြုခဲ့ကြပါသည်။