Myanmar

(၂၃.၇.၂၀၂၄)ရက်နေ့တွင် ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် ဘဏ္ဍာရေးမှူးတို့သည် ရန်ကုန်တိုင်းဒေသကြီး၊ အလုံမြို့နယ်ရှိ ဓမ္မစေတီကျောင်းတိုက်၌ ကျင်းပပြုလုပ်သော ရန်ကုန်တိုင်းဒေသကြီး အစိုးရအဖွဲ့ဝင်မိသားစုများ၊ အမျိုးသမီးရေးရာကော်မတီဝင်များနှင့် အလှူရှင်များစုပေါင်း၍ ဝါဆိုသင်္ကန်းဆက်ကပ် လှူဒါန်းပွဲအခမ်းအနားသို့တက်ရောက်ပြီး ဝါဆိုသင်္ကန်းနှင့် နဝကမ္မဝတ္ထုငွေများ ဆက်ကပ်လှူဒါန်းခဲ့ကြပါ သည်။

(၂၀.၇.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် တောင်ကြီးမြို့၊ အရိယာဝံသမြို့ဦးကျောင်းတိုက်တွင် လှူဖွယ်ဝတ္ထုပစ္စည်းများနှင့်ဝါဆိုသင်္ကန်းဆက်ကပ်လှူဒါန်းပူဇော်ခဲ့ပါသည်။

(၂၀.၇.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး အသင်းမှ ဥက္ကဌ၊ အတွင်းရေးမှူး၊ ဘဏ္ဍာရေးမှူးနှင့် အသင်းဝင် (၁)ဦးသည် မန္တလေးမြို့၊ မြို့တော်ခန်း မ၌ကျင်းပပြုလုပ်သော ဝါဆိုသင်္ကန်းဆက်ကပ်လှူဒါန်းပွဲအခမ်းအနားသို့ တက်ရောက်ခဲ့ပါသည်။