Myanmar Women and Children Development Foundation
(၃၀.၅.၂၀၂၄)ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် မွန်ပြည်နယ်၊ အားကစားဝန်ကြီးဌာနနှင့် အမျိုးသမီးရေးရာအသင်းတို့ပူးပေါင်း၍ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် အားကစားလှုပ်ရှားမှု သရုပ်ပြပွဲပြုလုပ်ကျင်းပရန်အတွက် အစည်းအဝေးကိုတက်ရောက်ခဲ့ပါသည်။
(၃၀.၅.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင် ရေးအသင်း၏ တစ်နှစ်ပြည့် နှစ်ပတ်လည်နေ့ အထိမ်းအမှတ်အခမ်းအနားကို Sky Palace Hotel တွင် ကျင်းပပြုလုပ်ရာ နေပြည်တော်ကောင်စီဥက္ကဌ၏ဇနီး၊ နေပြည်တော်အမျိုးသမီးကော်မတီ ဥက္ကဌ၊ MWCDF အသင်းဗဟိုမှ ဒုဥက္ကဌ၊ အတွင်းရေးမှူးနှင့် ဗဟိုအလုပ်အမှုဆောင်များ၊ နေပြည်တော် အမျိုးသမီးရေးရာအဖွဲ့ချုပ်နှင့် နေပြည်တော် မိခင်နှင့်ကလေးစောင့်ရှောက်ရေးအသင်းတို့မှ ဥက္ကဌနှင့် အတွင်းရေးမှူး၊ နေပြည်တော်ရှိ NCCI, MCIA, MSME, MRESA, MRPDA စသည့်အသင်းအဖွဲ့ အစည်းများ၊ ဖိတ်ကြားထားသော ဌာနဆိုင်ရာများနှင့် အလှူရှင်များတက်ရောက်ခဲ့ကြပါသည်။
(၂၈.၅.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌသည် နေပြည်တော်ကောင်စီရုံးအစည်းအဝေးခန်းမ (၂)၌ကျင်းပပြုလုပ်သော နေပြည်တော် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်းကြီးကြပ်မှုကော်မတီ၏ လုပ်ငန်းညှိနှိုင်းအစည်းအဝေးသို့ တက်ရောက်ခဲ့ပါသည်။
(၂၄.၅.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌသည် ပဲခူးမြို့၊ BBS ကိုယ်ပိုင်အလယ်တန်းကျောင်းတွင် ကျင်းပပြုလုပ်သော ပညာရည်ချွန်ဆုပေးပွဲအခမ်းအနားကို တက်ရောက်ပြီး ဆုများချီးမြှင့်ခဲ့ပါသည်။
(၂၄.၅.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှကြီးမှူးဖွင့်လှစ်သော သတ္တမအကြိမ်မြောက် နွေရာသီအင်္ဂလိပ်စာ (4 Skills) Elementary Level သင်တန်းဆင်းပွဲအခမ်းအနားကို အသင်းရုံး၌ကျင်းပပြုလုပ်ရာ အသင်းမှ ဒုဥက္ကဌများ၊ အတွင်းရေးမှူးနှင့် ဗဟိုအလုပ်အမှုဆောင်အဖွဲ့ဝင်များ၊ သင်တန်းနည်းပြဆရာ/ဆရာမနှင့် အ.ထ.က (၁၂) ကျောင်းမှ ဆရာ/ဆရာမများ၊ ကျောင်းသား/သူများ တက်ရောက်ကြပြီး အသင်းဒုဥက္ကဌ ဒေါ်စုညွန့်ဦးမှ သင်တန်းဆင်းအမှာစကားပြောကြားခြင်း၊ သင်တန်းနည်းပြဆရာ ဦးမင်းစိုးသူရမှ အမှာစကားပြောကြားခြင်း၊ သင်တန်းတက်ရောက်ခြင်းနှင့်ပတ်သက်၍ ကျောင်းသူတစ်ဦးမှ ကျေးဇူးတင်စကားပြောကြားခြင်း၊ ကျောင်းသား/သူများအား သင်တန်းဆင်လက်မှတ်ပေးအပ်ခြင်း၊ သင်တန်းဆရာ/ဆရာမတို့ကို ဂုဏ်ပြုလက်ဆောင်ချီးမြှင့်ခြင်းနှင့် အမှတ်တရမှတ်တမ်းဓာတ်ပုံရိုက်ကူးပြီး အခမ်းအနားကို အောင်မြင်စွာကျင်းပနိုင်ခဲ့ပါသည်။
(၂၄.၅.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း၏ (၅၃)ကြိမ်မြောက် ဗဟိုအလုပ်အမှုဆောင်အစည်းအဝေးကို အသင်းရုံးအစည်းအဝေးခန်းမ၌ နံနက် (၁၀:၀၀)နာရီတွင် ကျင်းပခဲ့ရာ အသင်းဥက္ကဌ ဒေါက်တာဝေဝေသာမှ အမှာစကားပြောကြားပြီး မိမိတို့ကဏ္ဍအလိုက် လုပ်ဆောင်ခဲ့သည်များနှင့် ရှေ့ဆက်လုပ်ဆောင်ရမည့်အချက်များကို ဆွေးနွေးခဲ့ကြပါသည်။
