Myanmar Women and Children Development Foundation
(၂၂.၂.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် ပဲခူးမြို့ ရှေးဟောင်းသမိုင်းဝင် ကျိုက်ပညာယျစေတီတော်မြတ်ကြီး ရွှေထီးတော်တင်လှူပူဇော်ခြင်းနှင့် ဌာပနာထည့်သွင်းခြင်းမင်္ဂလာအခမ်းအနားတွင် ဌာပနာထည့်သွင်းလှူဒါန်းခြင်း၊ ဆွဲလည်းလှူဒါန်းခြင်း၊ ပန်းများလှူဒါန်းပူးဇော်ခြင်းများဖြင့် ကုသိုလ်ပါဝင်ယူခဲ့ကြပါသည်။
(၂၁.၂.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် မကွေးမြို့၊ အဝေရာသုခကျောင်းတိုက်တွင် (၅)ရက်တိုင်တိုင်ကျင်းပပြုလုပ်သော (၂၆)ကြိမ်မြောက် အသံမစဲမဟာကျမ်းမြတ်ပူဇော်ပွဲ အခမ်းအနားတွင် အာရုဏ်ဆွမ်းနှင့် နေ့ဆွမ်းကိုဆက်ကပ်လှူဒါန်းပြီး နေ့စဉ်ဝေယျာဝစ္စကုသိုလ်ဆောင်ရွက်ပေးခဲ့ပါသည်။
(၂၁.၂.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် နေပြည်တော်၊ ပျဉ်းမနားမြို့နယ်၊ သန္တာရာမသီလရှင်စာသင်တိုက်တွင် ကျင်းပပြုလုပ်သော အသံမစဲမဟာပဌာန်းရွတ်ဖတ်ပူဇော်ပွဲ အောင်ပွဲနေ့အခမ်းအနားတွင် သံဃာတော်များနှင့် သီလရှင်ဆရာလေးများအား ဆွမ်းကပ်လှူဒါန်းခြင်း၊ တိုက်အုပ် သီလရှင်ဆရာကြီးအား နဝကမ္မဝတ္ထုငွေလှူဒါန်းခြင်း၊ ဆန်၊ ဆီ၊ ဆား၊ စားသောက်ဖွယ်ရာများလှူဒါန်းခြင်းနှင့် အသက် (၇၀)ကျော် သီလရှင်ဆရာကြီး (၁၃)ပါးတို့အား တစ်ပါးလျှင် အလှူငွေ (၁၀,၀၀၀)ကျပ်စီ လှူဒါန်းဒါနပြုခဲ့ကြပါသည်။
(၁၅.၂.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF) အသင်းမှ ဗဟိုအလုပ်အမှုဆောင်များသည် နေပြည်တော်၊ ဥတ္ကရသီရိမြို့နယ်၊ ကုတင်(၅၀၀) ဆံ့ သားဖွားမီးယပ်အထူးကုဆေးရုံကြီးတွင် တက်ရောက်ဆေးကုသခံယူနေသော မီးဖွားမိခင်များနှင့် အမျိုးသမီးလူနာများအား နေ့လည်စာအာဟာရအတွက် ထမင်း၊ ကြက်သားဟင်းနှင့် မုန်လာဥချဉ်ရည်ဟင်းတို့ကို ပေးဝေလှူဒါန်းခဲ့ကြပါသည်။
(၁၃.၂.၂၀၂၄)ရက်နေ့တွင် ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် ပြည်နယ် လူမှုဝန်ထမ်းဦးစီးဌာနမှ မြစ်ကြီးနားမြို့၊ အမှတ် (၁)မူလတန်းကြိုကျောင်းတွင် ကျင်းပပြုလုပ်သော မြန်မာနိုင်ငံကလေးများနေ့ အထိမ်းအမှတ်လှုပ်ရှားမှုအခမ်းအနားသို့တက်ရောက်ပြီး အကများဖြင့် ဖျော်ဖြေတင်ဆက်ပေးပါသော မူကြိုကလေးငယ်အဖွဲ့ (၄)ဖွဲ့အား ဆုများချီးမြှင့်ခဲ့ပြီး ကျောင်းရှိ ကလေးဦးရေ (၄၀၀)ဦးအား အာဟာရကြက်ပေါင်းခေါက်ဆွဲ ကျွေးမွေးလှူဒါန်းခဲ့ပါသည်။
(၁၂.၂.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌသည် ပဲခူးမြို့၊ မြို့တော်ခန်းမ၌ တိုင်းဒေသကြီးအစိုးရအဖွဲ့မှ ကျင်းပပြုလုပ်သောတိုင်းဒေသကြီး ဂုဏ်ထူးဆောင်ဆုတံဆိပ်၊ ဂုဏ်ထူးဆောင်ဆုပစ္စည်းများ ပေးအပ်ချီးမြှင့်ပွဲ အခမ်းအနားသို့တက်ရောက်ပြီး တိုင်း MWCDFအသင်း ဥက္ကဌအား လူမှုထူးချွန် ပထမအဆင့် ဂုဏ်ထူးဆောင်ဆု ချီးမြှင့်ခြင်းခံရသည့်အတွက် ဆုလက်ခံရယူခဲ့ပါသည်။
