Myanmar Women and Children Development Foundation
(၁၂.၂.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဒုဥက္ကဌနှင့် အဖွဲ့ဝင်များသည် ပဲခူးတိုင်းဒေသကြီးအစိုးရအဖွဲ့မှ ကြီးမှူးကျင်းပသော (၇၇)နှစ်မြောက် ပြည်ထောင်စုနေ့ သဝဏ်လွှာဖတ်ကြားပွဲအခမ်းအနားသို့ တက်ရောက်ခဲ့ပါသည်။
(၁၂.၂.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့် ကလေးသူငယ်များဘဝမြှင့်တင်ရေးအသင်း (MWCDF) မှ ဗဟိုအလုပ်အမှုဆောင်သည် နေပြည်တော်၊ မြို့တော်ခန်းမရင်ပြင်၌ ကျင်းပပြုလုပ် သော (၇၇)နှစ်မြောက် ပြည်ထောင်စုနေ့ ဂုဏ်ပြုညစာစားပွဲနှင့် ဂုဏ်ပြုဖျော်ဖြေပွဲ အခမ်းအနားသို့ တက်ရောက်ခဲ့ပါသည်။
(၁၀.၂.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် မန္တလေးမြို့၊ တပ်မတော်အငြိမ်းစားအိမ်ရာတွင် ကျန်းမာရေးကူညီစောင့်ရှောက်ရန်လိုအပ်နေသော အသဲခြောက်လူနာရှင်အမျိုးသမီးအားသွားရောက် ထောက်ပံ့လှူဒါန်းခဲ့ပါသည်။
(၁၀.၂.၂၀၂၄) ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် ပုသိမ်ကြီးမြို့နယ်၊ မြောက်ဦးဆရာတော် အဂ္ဂမဟာသဒ္ဓမ္မဇောတိကဓဇ, အဂ္ဂမဟာကမ္မဌာနာစရိယ အရှင်ဝါယာမိန္ဒအားသွားရောက်ဖူးမျှော်၍ နဝကမ္မဝတ္ထုငွေလှူဒါန်းခဲ့ပြီး အုန်းချောကျေးရွာရှိဆောက်လုပ်ဆဲ စွမ်းအားသစ်သီလရှင်စာသင်တိုက်အတွက် အလှူငွေနှင့် စားသောက်စရာများ၊ အသုံးဆောင်ပစ္စည်းများ၊ အသင်းဗလာစာအုပ်များ၊ ပြက္ခဒိန်တို့ကို သွားရောက်လှူဒါန်းခဲ့ပါသည်။
(၃၀.၁.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် တွဲဖက်အတွင်းရေးမှူးတို့သည် နေပြည်တော်၊ Hotel Max တွင် ကျင်းပပြုလုပ်သော မြန်မာနိုင်ငံလုံးဆိုင်ရာအမျိုးသမီးကော်မတီ (၁/၂၀၂၄)အစည်းအဝေးနှင့် အမျိုးသမီးဖွံ့ဖြိုးတိုးတက်ရေးဆိုင်ရာအမျိုးသားအဆင့်မဟာဗျူဟာစီမံကိန်း (၂၀၂၃-၂၀၃၂) အလုပ်ရုံဆွေးနွေးပွဲသို့ တက်ရောက်ဆွေးနွေးခဲ့ပါသည်။
(၂၇.၁.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် ပဲခူးမြို့နယ်ရှိ ရေဘေးသင့်ခံရသော စီမံချက်ဝင်ရပ်ကွက်၊ ကျေးရွာများမှ အိမ်ထောင်စု (၁၄၂၄)စုတို့အား ငွေသားနှင့် ပစ္စည်းထောက်ပံ့ပေးအပ်ပွဲ အခမ်းအနားသို့တက်ရောက်ခဲ့ပြီး အခမ်းအနားတွင် မြန်မာနိုင်ငံကြက်ခြေနီအသင်း ဥက္ကဌနှင့် တိုင်းဒေသကြီးဝန်ကြီးချုပ်တို့မှ တိုင်း MWCDF အသင်း၏ ဆောင်ရွက်မှုများကို ချီးကျူးပြောကြားခဲ့ပါသည်။
