Myanmar Women and Children Development Foundation
(၁၄.၁၂.၂၀၂၂)နေ့တွင် MWCDF အသင်းမှ တွဲဘက်ဘဏ္ဍာရေးမှူးနှင့် CEC တို့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ သားဖွားမီးယပ်ဆေးရုံ၌ တက်ရောက်ကုသနေသော လူနာများ၊ လူနာစောင့်များနှင့် ဆေးရုံဝန်ထမ်းများအား နေ့လည်စာ-ထမင်း၊ ကြက်သားဟင်း၊ ကန်စွန်းရွက်ချည်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။
(၁၂.၁၂.၂၀၂၂)နေ့တွင် နေပြည်တော်၊ မြန်မာနိုင်ငံ မိခင်နှင့်ကလေးစောင့်ရှောက်ရေးအသင်း(MMCWA) ရုံးချုပ်၌ ကျင်းပပြုလုပ်သော မြန်မာနိုင်ငံ မိခင်နှင့်ကလေး စောင့်ရှောက်ရေးအသင်း(MMCWA) နှစ်ပတ်လည်အခမ်းအနားသို့ MWCDF အသင်းမှ အတွင်းရေးမှူးနှင့် CEC များ တက်ရောက်ခဲ့ပါသည်။
(၁၀.၁၂.၂၀၂၂)နေ့တွင် မြန်မာနိုင်ငံ လူ့အခွင့်အရေးကော်မရှင်မှ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန(၁)၌ ကျင်းပပြုလုပ်သော (၇၄)နှစ်မြောက် အပြည်ပြည်ဆိုင်ရာ လူ့အခွင့်အရေးနေ့ အခမ်းအနားသို့ MWCDF အသင်းမှ အတွင်းရေးမှူးနှင့် CEC များ တက်ရောက်ခဲ့ပါသည်။
(၉.၁၂.၂၀၂၂)နေ့တွင် ပဲခူးတိုင်း၊ ပဲခူးမြို့၊ ပရိယတ္တိသဒ္ဓရက္ခိတသာမဏေကျော် အသင်းကြီးက သာသနာ ဗိမာန်တော်ကြီးတွင် ကျင်းပသော သာမဏေကျော်လင်္ကာရ စာမွေးပွဲကြီးနှင့် စာစောင်သံဃာဆုနှင်း လှူဒါန်းပူဇော်ပွဲအတွက် ပဲခူးတိုင်း MWCDF အသင်းမှ အလှူတော်ငွေ ဆက်ကပ်လှူဒါန်းခဲ့ပါသည်။
(၅.၁၂.၂၀၂၂)နေ့တွင် ရှမ်းပြည်နယ်၊ တောင်ကြီးမြို့၌ ကျင်းပပြုလုပ်သော ၂၀၂၂ ခုနှစ်၊ အမျိုးသမီးများ အပေါ်အကြမ်းဖက်မှု ပပျောက်ရေး(၁၆)ရက်တာလှုပ်ရှားမှု အထိမ်းအမှတ် အခမ်းအနားသို့ ရှမ်းပြည်နယ်(တောင်ပိုင်း) MWCDF အသင်း ဥက္ကဌ၊ ဒုဥက္ကဌ၊ အတွင်းရေးမှူးနှင့် အဖွဲ့ဝင်များ တက်ရောက်ခဲ့၍ ရှမ်းပြည်နယ်(တောင်ပိုင်း) MWCDF အသင်း ဥက္ကဌမှ မိမိတို့အသင်း၏ လုပ်ငန်းစဉ် များနှင့်ပတ်သက်၍ လုပ်ဆောင်နေမှုများကို ဆွေးနွေးပြောကြားခဲ့ပါသည်။
(၃.၁၂.၂၀၂၂)နေ့တွင် ပဲခူးတိုင်း၊ ပဲခူးမြို့၊ မြို့တော်ခန်းမ၌ ကျင်းပပြုလုပ်သော အပြည်ပြည်ဆိုင်ရာ မသန်စွမ်းသူများနေ့ အခမ်းအနားသို့ ပဲခူးတိုင်း MWCDF အသင်းမှ ဥက္ကဌနှင့်အဖွဲ့ဝင်များ တက်ရောက်ခဲ့ပါသည်။
