Myanmar

(၃၀.၇.၂၀၁၈)နေ့တွင် ကရင်ပြည်နယ်မှ MWCDF အဖွဲ့ဝင်များသည် သဒ္ဒါဖြူစင်အလှူရှင်များ နှင့်အတူ ဘားအံမြို့နယ်၊ ကော့ထော်ကျေးရွာအုပ်စု၊ အိမ်တိုင်ကုန်းကျေးရွာ ရေဘေးကယ်ဆယ်ရေးစခန်းသို့ သွားရောက်၍ ဆန်၊ ကြက်ဥ၊ အကြော်ဘူးများ၊ မုန့်များ လှူဒါန်းပေးခဲ့ပါသည်။

(၃၀.၇.၂၀၁၈)နေ့တွင် ကရင်ပြည်နယ်မှ MWCDFအဖွဲ့ဝင်များသည် ဘားအံမြို့နယ်၊ ကော့ထော်ကျေးရွာ၊ သို့သွားရောက်၍ ရေဘေးသင့်ပြည်သူ အိမ်ထောင်စု(၂၈)စုတို့အား ခေါက်ဆွဲခြောက်ဖါ(၂၈)ဖါအား သွားရောက်လှူဒါန်းခဲ့ပါသည်။

စစ်ကိုင်းတိုင်း၊ MWCDF အဖွဲ့ဝင်များသည် (၂၆.၇.၂၀၁၈)နေ့တွင် မြင်းမူမြို့၊ ဆပ်ပြာကျင်း ကျေးရွာနှင့် ကန်ဖျားကျေးရွာများသို့ သွားရောက်၍ ကျောင်းပညာသင်ယူရန်အခက်အခဲရှိသော ကျောင်းသား/သူကလေးများအား ပညာသင်ထောက်ပံ့ကြေးငွေ-(၁၅၃,၀၀၀)ကျပ်ဘိုး နှင့် ကျေးရွာများအတွင်းရှိ ကူညီထောက်ပံ့မှုပေးရန် လိုအပ်သော အဖိုး/အဖွားများအား အာဟာရကြက်ဥနှင့် အသားဘူးများ စုစုပေါင်းတန်ဘိုး-(၂၁,၀၀၀)ကျပ်ဘိုးအား ပေးအပ်လှူဒါန်းခဲ့ပါသည်။

(၂၅.၇.၂၀၁၈)နေ့တွင် MWCDFအသင်းမှ ဥက္ကဋ္ဌ၊ ဒုဥက္ကဋ္ဌနှင့် CECများသည်၊ ရန်ကုန်မြို့၊ သန်လျင်မြို့နယ်၊ အောင်ချမ်းသာ(၁)ရပ်ကွက်၊ ခေမာရာမသီလရှင်စာသင်တိုက်နှင့်ပရဟိတ သီလရှင်သင်ပညာရေးကျောင်းသို့ သွားရောက်၍ အလှူငွေ(၁၅)သိန်းကျပ်နှင့် လှူဘွယ်ခြင်း(၂)ခြင်း၊ ဆန်(၁)အိတ်၊ ဆီ(၁)ပုံး၊ ကော်ဖီမစ်(၅)ပါကင်၊ ကိတ်မုန့်(၅)ဘူး၊ သစ်သီးများ၊ သီလရှင်ဝတ်စုံ(၂ဝ)စုံ၊ အသင်းဗလာစာအုပ်(၂၀)ဒါဇင်တို့အား ကျောင်းထိုင်သီလရှင်ဆရာကြီးထံ လှူဒါန်းခဲ့ပါသည်။

(၁၈.၇.၂၀၁၈)နေ့တွင် MWCDFအသင်းမှ CEC ဒေါ်အေးအေးခိုင်နှင့် ရုံးအဖွဲ့၊ ကျေးရွာအသင်း အဖွဲ့ဝင်များသည် နေပြည်တော်၊ ဥတ္တရသီရိမြို့နယ်၊ မင်းကုန်းအုပ်စု၊ မအူလေးပင်ကျေးရွာ အလယ်တန်းကျောင်းသို့ သွားရောက်၍ အလှူရှင် ဦးသန့်စင်+ ဒေါ်အေးအေးခိုင်(မိသားစု)မှ သားဖြစ်သူ မောင်ဇွဲဇာနည်မင်းသန့်စင်(ခ) John Walter (၁၂)ပြည့်မွေးနေ့အလှူ ဆရာ/ဆရာမများနှင့် ကျောင်းသား/သူ(၃၈၂)အား သာကူကျို တိုက်ကျွေးကုသိုလ်ပြုခဲ့ကြပါသည်။ ဆက်လက်၍ ဒုဥက္ကဋ္ဌနှင့် အဖွဲ့ဝင်များသည် ကျေးရွာစာကြည့်တိုက်သို့ သွားရောက်၍ စာကြည့်တိုက်တွင် ကျောင်းသား/သူများအား ပညာပေးဇာတ်လမ်းများ ဖွင့်လှစ်ပြသနိုင်ရန်အတွက် MWCDFအသင်းမှ 21″ SAKURA TV တစ်လုံး လှူဒါန်းခြင်း

MWCDFအသင်းမှ ဒုဥက္ကဋ္ဌ(၂)ဦးနှင့် CECများသည် (၁၃.၇.၂၀၁၈)နေ့၊ (၁၄း၄၅)အချိန်တွင် ချင်းရွာ အ.ထ.က(၁၂)ကျောင်းသို့ သွားရောက်၍ ကျောင်းအုပ် ဆရာမကြီးနှင့် ဆရာ/မများအား တွေ့ဆုံခဲ့ပြီး တွေ့ဆုံပွဲတွင် ဒုဥက္ကဋ္ဌဒေါ်စုညွန့်ဦးမှ အဖွင့်အမှာစကားပြောကြားခြင်း၊ ဒေါ်နန္ဒာမွှန်းမှ မြန်မာစာပေ၊ မြန်မာသမိုင်းအကြောင်း ရှင်းလင်းမှာကြားခြင်း၊ အတွင်းရေးမှူး ဒေါ်မေမြင့်မောင်မှ အင်္ဂလိပ်စာ သင်တန်းနှင့်ပတ်သက်၍ ရှင်းလင်းပြောကြားခဲ့ပါသည်။ ဆက်လက်၍ အ.ထ.က(၁၂)ကျောင်းအုပ် ဆရာမကြီးနှင့် ကျောင်းဆရာ ဦးဆန်းထွန်းဇော်တို့မှ ကျေးဇူးတင်စကားပြောကြားခဲ့၍ တွေ့ဆုံပွဲသို့ တက်ရောက်လာသော ဆရာ/မများနှင့် ရင်းရင်း နှီးနှီးတွေ့ဆုံခဲ့ကြပြီး စာရေးကိရိယာများနှင့် သင်ထောက်ကူစာအုပ်များ၊ သင်ကြားရေးစာအုပ်များ၊ ပိုစတာများပေးအပ်လှူဒါန်းခဲ့ပါသည်။