Myanmar

၂၀၁၇ခုနှစ်၊ အောက်တိုဘာလ(၂၅)ရက်နေ့တွင် လားရှိုးမြို့၊ အမှတ်(၅)ရပ်ကွက်၊ တာပုံကျေးရွာတွင်ရှိသော မိဘမဲ့ကလေးသူငယ်များစောင့်ရှောက်ရေးအတွက် “ချစ်ခြင်းမေတ္တာဂေဟာ”သို့ မြန်မာနိုင်ငံ အမျိုးသမီးရေးရာအဖွဲ့ချုပ်၊ လားရှိုးခရိုင်နှင့် မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်းတို့ပူးပေါင်း၍ ကျောင်းသား/သူကလေး(၁၉၀)ဦးအတွက် ဆန်၊ ဆီ၊ ငွေကျပ်(၁)သိန်းနှင့် ဗလာစာအုပ်(၃၅)ဒါဇင် ပေးအပ်ထောက်ပံ့ခဲ့ပါသည်။

(၂၆.၉.၂၀၁၇)နေ့တွင် MWCDFအသင်းမှ ဥက္ကဋ္ဌနှင့် CECများသည် နေပြည်တော် ဇေယျာသီရိမြို့နယ်၊ ရွှေကျကျေးရွာ၊ ရွှေကြာပျိုးခင်း အမှတ်(၁)ဘုန်းတော်ကြီးသင် အလယ်တန်းကျောင်းသို့သွားရောက်၍ အလှူငွေ၊ သင်္ကန်ခြင်း၊ မျက်နှာသုတ်တဘက်၊ ကျောင်းဝတ်စုံ၊ ဗလာစာအုပ်၊ ခဲတံ၊ ဆန်၊ ဆီ၊ ကြက်သွန်၊ အာလူး၊ ငါးခြောက်အစရှိသည့် လှူဘွယ်ပစ္စည်းများအား ဆရာတော်ထံ ပေးအပ်လှူဒါန်းခဲ့ကြပါသည်။

(၂၀.၉.၂၀၁၇)နေ့တွင် ပဲခူးတိုင်းဒေသကြီး၊ တောင်ငူမြို့၊ တောင်ငူသုသာန်လမ်း ကွန်ကရစ်လမ်းဖြစ်မြောက်ရေးအဖွဲ့သို့ MWCDFအသင်းမှ အလှူငွေ-(၅)သိန်းကျပ်၊ အလှူရှင် ဦးအောင်မင်း+ဒေါက်တာဝေဝေသာ(မိသားစု)မှ အလှူငွေ- (၅)သိန်းကျပ်အားပေးအပ်လှူဒါန်းခဲ့ပြီး စေတနာဖြင့်လာရောက်လုပ်အားပေးကူညီခဲ့ကြသော ရပ်ကွက်များမှ စေတနာရှင်များအတွက် အချိုရည်(၁၀)ကဒ် ပေးအပ်လှူဒါန်းခဲ့ကြပါသည်။

(၂၀.၉.၂၀၁၇)နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း (MWCDF)မှ ဥက္ကဋ္ဌ၊ CECများနှင့်အဖွဲ့ဝင်များသည် ပဲခူးတိုင်းဒေသကြီး၊ တောင်ငူမြို့၊ ဇေယျာသီရိ သီလရှင်စာသင်တိုက်နှင့် မိဘမဲ့အမျိုးသမီးကလေးများဖွံ့ဖြိုးရေးပရဟိတဂေဟာသို့သွားရောက်၍ အလှူငွေများ၊ သီလရှင်ဝတ်စုံများ၊ ကျောင်းဝတ်စုံများ၊ ဆန်၊ ဆီ၊ ဆပ်ပြာ၊ ၃၈ဖြာမင်္ဂလာစာအုပ်များ၊ စာရေးကိရိယာများ၊ မျက်နှာသုတ်တဘက်နှင့် လှူဘွယ်ပစ္စည်းစုံများ လှူဒါန်းခဲ့ပြီး ကျောင်းသူကလေးများအား စိတ်ဓါတ်ခွန်အား တက်ကြွစေရန်နှင့် ကျန်းမာရေးအသိပညာပေးဟောပြောဆွေးနွေးမှုများ ပြုလုပ်ခဲ့ပါသည်။

(၁၆. ၉. ၂၀၁၇)နေ့တွင် မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ဥက္ကဋ္ဌ၊ CECများနှင့်အဖွဲ့ဝင်များသည် နေပြည်တော်၊ ပုဗ္ဗသီရိမြို့နယ်၊ အေးမေတ္တာစံတိုင်းရင်းသားလူငယ်ဖွံ့ဖြိုးရေးပရဟိတကျောင်းသို့ နံနက်- (၀၉းဝ၀)နာရီတွင် သွားရောက်၍ ကျောင်းထိုင်ဆရာတော်အား အလှူငွေ၊ လှူဘွယ်ပစ္စည်းများ ဆပ်ကပ်လှူဒါန်းခြင်းနှင့် ကျောင်းတွင်နေထိုင်လျက်ရှိသော ကျောင်းသား/သူများအတွက် တန်ဘိုးငွေ-(၁,၈၅၀,၀၀၀)ကျပ်ရှိသော မွေ့ယာ၊ စောင်၊ ခြင်ထောင်၊ ခေါင်းအုံး၊ ခေါင်းအုံးစွပ်၊ အိပ်ယာခင်း အစုံ(၅၀)စုံအား လှူဒါန်းခဲ့ပါသည်။

(၁၃.၉.၂၀၁၇)နေ့တွင် MWCDF အသင်းမှ ရုံးအဖွဲ့မှူးနှင့်အဖွဲ့ဝင်တို့သည် ဥတ္တရသီရိမြို့နယ်၊ သဲကျွန်းကျေးရွာရှိ ရတနာစံပြ(ဘ.က)ကျောင်းသို့သွားရောက်၍ သဲကျွန်းကျေးရွာနှင့် အနီးအနားကျေးရွာများရှိ ဒေသခံပြည်သူများနှင့် ကျောင်းသား/သူများအား ကျန်းမာရေးစောင့်ရှောက်မှုပေးနိုင်ရန် အခမဲ့ဆေးခန်းဆောက်လုပ်ခြင်းအတွက် အသင်းမှ ထပ်မံ၍အလှူငွေ-(၄၀၀,၀၀၀) ကျပ်အား ကျောင်းထိုင်ဆရာတော်ထံ ပေးအပ်လှူဒါန်းခဲ့ပြီး ဆရာတော်မှဦးစီးတည်ဆောက်လျှက်ရှိသော ဆေးခန်းအား ကြည့်ရှုခဲ့ပါသည်။