မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း(MWCDF)မှ ဖွင့်လှစ်ပေးသည့် လူငယ်ခေါင်းဆောင်မှုအခန်းကဏ္ဍနှင့် ကိုယ်ရည်ကိုယ်သွေးမြှင့်တင်ခြင်းဆိုင်ရာသင်တန်း(အမှတ်စဉ်-၅)(Youth Leadership and Personality Development Program Training(Batch-5))ဖွင့်ပွဲအခမ်းအနား
(၂.၁၂.၂၀၁၆)နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း(MWCDF) နေပြည်တော်ရုံးချုပ်၌ လူငယ်ခေါင်းဆောင်မှုအခန်းကဏ္ဍနှင့် ကိုယ်ရည်ကိုယ်သွေးမြှင့်တင်ခြင်းဆိုင်ရာသင်တန်း(အမှတ်စဉ်-၅)ဖွင့်ပွဲအခမ်းအနားအား ကျင်းပခဲ့ပါသည်။ သင်တန်းဖွင့်ပွဲတွင် အသင်းဥက္ကဌမှ အဖွင့်အမှာစကားပြောကြားခြင်း၊ အသင်းဘဏ္ဍာရေးမှူးမှ အသင်းအကြောင်းသိကောင်းစရာများရှင်းလင်းဆွေးနွေးခြင်းနှင့် ဆရာဦးလှထွန်းခိုင်မှ သင်တန်းဖွင့်လှစ်ရခြင်း၏ရည်ရွယ်ချက်၊ သင်တန်းကာလအတွင်းသင်ကြားရမည့် ဘာသာရပ်များအကြောင်း၊ ဆောင်ရန်/ရှောင်ရန် စည်းကမ်းများ အစရှိသည်တို့ကိုလည်း ပြောကြားခဲ့ပါသည်။ ၄င်းသင်တန်းသည် (၂.၁၂.၂၀၁၆ – ၆.၁၂.၂၀၁၆)ထိ (၅)ရက်ကြာသင်တန်းဖြစ်ပြီး သင်တန်းကာလတလျှောက်လုံးတွင် သင်တန်းသား/သူများ၏ နေထိုင်ရေး၊ စားသောက်ရေး၊ သွားလာရေးခရီးစရိတ်အထိ ကူညီဆောင်ရွက်ပေးခဲ့ပါသည်။ သင်တန်းသား/သူ(၄၁)ဦးတက်ရောက်ခဲ့ကြပါသည်။
