Myanmar Women and Children Development Foundation
(၁.၁၀.၂၀၂၃)ရက်နေ့တွင် ကချင်ပြည်နယ် MWCDF အသင်းမှ ဥက္ကဌနှင့် အဖွဲ့ဝင်များသည် ကချင်ပြည်နယ်၊ မြစ်ကြီးနားမြို့၊ အံတော်ရှင်တောင်တန်းသာသနာပြုကျောင်း၌ ကျင်းပပြုလုပ်သော အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားသို့ တက်ရောက်ခဲ့ပါသည်။
(၁.၁၀.၂၀၂၃)ရက်နေ့တွင် မကွေးတိုင်း MWCDF အသင်းမှ ဥက္ကဌနှင့် အဖွဲ့ဝင်များသည် မကွေးတိုင်း၊ မကွေးမြို့၊ ဖန်ခါးမြေဘိုးဘွားရိပ်သာ၌ ကျင်းပပြုလုပ်သော အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားသို့ တက်ရောက်၍ အဘိုး/အဘွား(၇၀)ဦးအား ကန်တော့ပစ္စည်းများနှင့် ကန်တော့ပြီး ဆေးကုသပေးမှုတွင် လုပ်အားပေးခဲ့ပါသည်။
(၁.၁၀.၂၀၂၃)ရက်နေ့တွင် ပဲခူးတိုင်း MWCDF အသင်းမှ ဥက္ကဌနှင့် ဒုဥက္ကဌတို့သည် ပဲခူးတိုင်း၊ ပဲခူးမြို့၌ ကျင်းပပြုလုပ်သော (၅၉)နှစ်မြောက် မြန်မာနိုင်ငံရဲတပ်ဖွဲ့နေ့ အခမ်းအနားသို့ တက်ရောက်ခဲ့ပါသည်။
(၁.၁၀.၂၀၂၃)ရက်နေ့တွင် ပဲခူးတိုင်း MWCDF အသင်းမှ အဖွဲ့ဝင်(၂)ဦးသည် ပဲခူးတိုင်း၊ ပဲခူးမြို့၌ တိုင်းဒေသကြီးအစိုးရအဖွဲ့မှ ကျင်းပပြုလုပ်သော အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားသို့ တက်ရောက်ခဲ့ပါသည်။
(၃၀.၉.၂၀၂၃)ရက်နေ့တွင် ကချင်ပြည်နယ် MWCDF အသင်း ဥက္ကဌနှင့် အဖွဲ့ဝင်များသည် လူမှုဝန်ထမ်းဦးစီးဌာန၊ အိမ်တွင်းမှု သက်မွေးလုပ်ငန်းပညာသင်ကျောင်းမှ မြစ်ကြီးနားမြို့၊ ဗလမင်းထင် စက်မှုဘုန်းကြီးကျောင်း၌ ဖွင့်လှစ်ခဲ့သော ကျေးရွာအခြေပြု အခြေခံစက်ချုပ်သင်တန်းဆင်းပွဲ အခမ်းအနားတွင် တက်ရောက်၍ သင်တန်းတွင် ဆုရရှိခဲ့သောသင်တန်းသူ(၃)ဦးအား ပထမဆု အပ်ချုပ်စက်(၁)လုံး၊ ဒုတိယဆု လျှပ်စစ်မီးပူနှင့် တတိယဆု ချည်ပေါင်းသားဝမ်းဆက်များ ချီးမြှင့်ပေးခဲ့ပါသည်။
(၃၀.၉.၂၀၂၃)ရက်နေ့တွင် ရန်ကုန်တိုင်း MWCDF အသင်းမှ ဒုဥက္ကဌနှင့် အဖွဲ့ဝင်များသည် ရန်ကုန်တိုင်းအစိုးရအဖွဲ့၊ ရန်ကုန်တိုင်းသက်ကြီးရွယ်အိုများဆိုင်ရာကော်မတီမှ ရန်ကုန်မြို့၌ ကျင်းပပြုလုပ်သော “၂၀၂၃ ခုနှစ်၊ အပြည်ပြည်ဆိုင်ရာ သက်ကြီးရွယ်အိုများနေ့” အခမ်းအနားသို့ တက်ရောက်ခဲ့ပါသည်။
