Myanmar Women and Children Development Foundation
မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးသင်း (MWCDF)သို့ မြန်မာနိုင်ငံအမျိုးသမီးများ တစ်နိုင်ငံလုံးရှိ မြန်မာမေဂျာကျောင်းသူကျောင်းသားများ၏ ကိုယ်စားလှယ်များသည် (၇.၄.၂၀၂၀)နေ့ (၃းဝဝ)နာရီ တွင်ရန်ကုန်မြို့ အထက်ပုစွန်တောင်လမ်းရှိ အသင်းရုံးခွဲသို့ လာရောက်၍ COVD-19 နှင့် ပတ်သက်၍ အကာအကွယ်ပစ္စည်း Mask-၁၈၀၀ခု တန်ဖိုး12သိန်းကျော် လာရောက်လှူဒါန်းရာ အသင်း၏ကိုယ်စား ရန်ကုန်တိုင်း MWCDF အဖွဲ့ဥက္ကဌနှင့်အဖွဲ့မှ လက်ခံရယူခဲ့ပါသည်။
(၈.၄.၂၀၂၀)ရက်နေ့တွင် တနင်္သာရီတိုင်း ထားဝယ်မြို့ MWCDF အသင်းမှ အလုပ်အမှုဆောင်များသည် ထားဝယ်မြို့မှ မိုင်(၂၄)မိုင်အကွာ လောင်းလုံမြို့နယ် ဝေဒီရွာ တစ်ရွာလုံး ရေပြတ်သောဒုက္ခကို ခံစားနေရသဖြင့် အသင်းသားများမှ သွားရောက်၍ သောက်ရေအတွက် ရေကားကြီး(၂)စီးဖြင့် ရေအလှူပြုခဲ့ကြပါသည်။
(၆.၄.၂၀၂၀)နေ့တွင် စစ်ကိုင်းတိုင်း MWCDF အဖွဲ့ဝင်များသည် စစ်ကိုင်းတိုင်းအတွင်း covid.19 ကာကွယ်ရေး အတွက် mask-1000 ခု လှူဒါန်းခဲ့ပါသည်။
(၄.၄.၂၀၂၀)ရက်နေ့တွင် မကွေးတိုင်း MWCDF အသင်းမှ အလုပ်အမှုဆောင်များသည် အထက(ခွဲ) ယင်းသာစည် (န) ကျေးရွာ စက်ရေတွင်း ဆိုလာတပ်ဆင်ခြင်းနှင့် ပန့်တပ်ဆင်ခြင်းလုပ်ငန်းအား သွားရောက်ကြီးကြပ်ခဲ့ပါသည်။
(၂.၄.၂၀၂၀)နေ့တွင် ရှမ်းပြည်နယ်(မြောက်ပိုင်း) MWCDF အသင်း၊ ကိုးကန့်ချယ်ရီအဖွဲ့မှ လားရှိုးမြို့၊ ရပ်ကွက်(၁၂)အုပ်ချုပ်ရေးမှူးရုံးသို့ ရပ်ကွက်နယ်မြေအတွင်း ဆေးဖြန်းရန်အတွက် အလှူငွေ(၆)သိန်း ကျပ် သွားရောက်လှူဒါန်းခဲ့ပါသည်။
(၁.၄.၂၀၂၀)နေ့တွင် စစ်ကိုင်းတိုင်းမှ MWCDF အဖွဲ့ဝင်များသည် စစ်ကိုင်းတောင်ပေါ် ရှိရွှေမြင့်မိုရ်ကွတ်ခိုင်ချောင်မှ စစ်ဘေးရှောင် ပလောင်သီလရှင်ဆရာလေးအပါး(၄၀)တို့သည် covid.19 ရောဂါကြောင့် ဆွမ်းဆန်အလှူခံမထွက်ရသော ကြောင့် စားသောက်ကုန်ပစ္စည်းများ စုစုပေါင်း-(၁၅၀၀၀၀)ကျပ်ဖိုး သွားရောက်လှူဒါန်းခဲ့ပါသည်။
