Myanmar

(၅.၁၂.၂၀၁၉)ရက်နေ့တွင် တနင်္သာရီတိုင်းဒေသကြီး လူမှုဝန်ထမ်းဦးစီးဌာနမှ ထားဝယ်မြို့၌ ကျင်းပပြုလုပ် သော “၂၀၁၉ ခုနှစ် အမျိုးသမီးများ အပေါ်အကြမ်း ဖက်မှုပပျောက်ရေး (၁၆)ရက်တာ လှုပ်ရှားမှုအထိမ်း အမှတ်အခမ်းအနား” လူထုအသိ ပညာပေးပွဲသို့ တနင်္သာရီတိုင်းဒေသကြီး MWCDFအသင်း ဥက္ကဋ္ဌနှင့် CECများတက်ရောက်ခဲ့ပါသည်။ ၂၀၁၉ခုနှစ် ဆောင်ပုဒ်မှာ “အမျိုးသမီးများအပေါ် အကြမ်းဖက်မှုပပျောက်ဖို့ တွဲလက်ညီညီ ဆောင်ရွက်စို့” ဖြစ်ပါသည်။

(၃.၁၂.၂၀၁၉)နေ့တွင် နေပြည်တော်၊ MICC(2)၌ လူမှုဝန်ထမ်းဦးစီးဌာနမှ ကျင်းပပြုလုပ်သည့် “ ၂၀၁၉ ခုနှစ် အပြည်ပြည်ဆိုင်ရာ မသန်စွမ်းသူများနေ့အခမ်းအနား” သို့ MWCDFအသင်းမှ အတွင်းရေးမှူးနှင့်CECတို့ တက်ရောက်ခဲ့ပါသည်။၂၀၁၉ခုနှစ် ဆောင်ပုဒ်မှာ “ အတားအဆီးကင်းရေး မျှော်မှန်းလို့ မသန်စွမ်းလူ့အခွင့်အရေးဖော်ဆောင်စို့ ” ဖြစ်ပါသည်။

(၂၉.၁၁.၂၀၁၉)ရက်နေ့ Cartel Hotel Myitkyina တွင် ဖွံ့ဖြိုးရေးမဏ္ဍိုင်အဖွဲ့(LRC)မှ PATH, MSI အဖွဲ့တို့နှင့် ပူးပေါင်းပြုလုပ်သော ကျန်းမာရေးနှင့်အားကစား ဝန်ကြီးဌာန၏ လိင်မှုဆိုင်ရာ မျိုးဆက်ပွား ကျန်းမာရေး ဆိုင်ရာ အခွင့်အရေးများကို ပြည်သူလူထုထံသို့ အသိပညာပေးသည့် အလုပ်ရုံဆွေး နွေးပွဲကို MWCDF(ကချင်ပြည်နယ်)အသင်းမှ ဒုဥက္ကဋ္ဌ နှင့်အသင်းအဖွဲ့ဝင်(၂)ဦး တက်ရောက်ဆွေးနွေးခဲ့ပါသည်။