Myanmar Women and Children Development Foundation
(၁၀.၁၀.၂၀၁၉)ရက်နေ့တွင် မကွေးတိုင်း MWCDFအသင်းနှင့် ဟောင်ကောင်နိုင်ငံမှ Sowers Action အလှူရှင်များပူးပေါင်း၍ မကွေးတိုင်း၊ မြင်းကင်း မူလွန်ကျောင်းအတွက်Solar Pump(ဆိုလာပန့် )စက်ရေတွင်း တူးဖော်လှူဒါန်းပြီး ကျောင်းအဖွဲ့အစည်းထံ လွှဲပြောင်း ပေးအပ်ပွဲအခမ်းအနားကို MWCDF အသင်းဗဟိုမှ ဒေါက်တာနန္ဒာမွှန်း(CEC) ဖဲကြိုးဖြတ်ဖွင့်လှစ်ပေးခဲ့ပါသည်။
(၉.၁၀.၂၀၁၉)ရက်နေ့တွင် ရန်ကုန်တိုင်း MWCDFအသင်း ဥက္ကဋ္ဌ နှင့်အလုပ်အမှုဆောင်များသည် တောင်ဥက္ကလာပ မြို့နယ် မြင်သာမြို့ဦးစေတီ ဘုန်းတော်ကြီး သင်ပညာ ရေးကျောင်းတွင် ပညာသင်ကြားနေသော ရှင်သာမဏေ များ သီလရှင်များ နှင့် ကျောင်းသား/သူ (၁၈၀၀)ဦး တို့အား ပညာသင် ထောက်ပံ့ခြင်း အစီအစဉ်ဖြင့် စာအုပ် (၁၀၀)ဒါဇင်၊ ဘောပင် ၊ ခဲတံ နှင့် ဆွမ်းဆန်တော်(၂)အိတ် တို့ကို သွားရောက် လှူဒါန်းခဲ့ပါသည်။
(၉-၁၀-၂၀၁၉)ရက်နေ့ နေ့လည်(၂:၀၀)နာရီအချိန်တွင် မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း(MWCDF)(ကယားပြည်နယ်) ပြည်နယ်အတွင်းရေးမှူး ဒေါ်ဝင့်ဝင့်ထွေး ဦးဆောင်သော အဖွဲ့မှ အဖွဲ့ဝင်များလိုက်ပါလျှက် လွိုင်ကော်မြို့နယ် ကုန်းသာကျေးရွာအုပ်စု ပီကင်းကောခူရွာရှိ ပီကင်းကောခူ အခြေခံပညာမူလတန်းကျောင်းသို့ ကျောင်းသူ/ ကျောင်းသား (၂၃၀)ဦးအား အာဟာရနှင့် နွမ်းပါး ကျောင်းသူ/သားများအတွက် ဗလာစာအုပ်(၁၀)ဒါဇင် သွားရောက် လှူဒါန်းခဲ့ကြပါသည်။
(၆.၁၀.၂၀၁၉)ရက်နေ့တွင် ကချင်ပြည်နယ်၊ MWCDF အသင်းမှ အလုပ်အမှုဆောင်များသည် ဝိုင်းမော်မြို့နယ်၊ ဝါရှောင်ကျေးရွာ သီတလရံသီကျောင်းတိုက်၌ ဖွင့်လှစ်ထားသော “ မျိုးဆက်ဝေသီ” ဘုန်းတော်ကြီးသင်ပညာရေးမူကြိုကျောင်းအတွက် အသင်းအဖွဲ့ဝင်များ စုပေါင်း၍ အလှူ တော်ငွေ(၂)သိန်းကျပ်နှင့် လှူဘွယ်ပစ္စည်းများကို သွားရောက်လှူဒါန်းခဲ့ကြပါသည်။
(၆.၁၀.၂၀၁၉)ရက်နေ့တွင် နေပြည်တော်တိုင်း MWCDFအသင်းမှ အလုပ်အမှုဆောင်များသည်ဥတ္တရသီရိမြို့နယ်၊ ရွှေနံသာရပ်ကွက် အမှတ်(၉)၊ ရေတွင်းဖြူ(ဘ.က)ကျောင်းသို့ သွားရောက်၍ ကျောင်း၌ ဓမ္မစကူးလ်သင်တန်းတွင် တက်ရောက်သင်ကြားနေသော ကျောင်းသား/သူများအား ရေခဲမုန့်၊ နို့သာကူတို့ဖြင့် အာဟာရဒါနကျွေးမွေး ကုသိုလ်ပြုခဲ့ကြပါသည်။
(၄.၁၀.၂၀၁၉)ရက်နေ့တွင် တနင်္သာရီတိုင်း၊ ထားဝယ်မြို့၌ ကျင်းပပြုလုပ်သော ဂျဲန်ဒါဆိုင်ရာတိုက်တွန်း စည်းရုံး လှုပ်ဆော်ခြင်းအတွက် အကြိုညှိနှိုင်းအစည်းအဝေးသို့ တနင်္သာရီတိုင်း MWCDFအသင်း အလုပ်အမှုဆောင်များ တက်ရောက်ခဲ့ကြပါသည်။
