Myanmar Women and Children Development Foundation
(၁၆.၈.၂၀၁၉) MWCDF အသင်း မှအဖွဲ့၀င်များသည်မွန်ပြည်နယ်၊ ရေဘေးသင့်ပြည်သူများ လက်တလောချက်ပြုတ်စားသောက်ဖို့ ခက်ခဲနေသည့်အချိန်တွင် ထမင်းဖြူလေးရှိရုံနဲ့ အသင့်စားလို့ရတဲ့ ပုစွန်ခြောက်ကြော်ထုပ်များကို သွားရောက် လှူဒါန်းရန်အတွက် ပြင်ဆင်ထုတ်ပိုးနေခြင်းဖြစ်ပါသည်။
(၁၅.၈.၂၀၁၉)နေ့တွင် တနင်္သာရီတိုင်း၊ ထားဝယ်မြို့ MWCDF အသင်းမှ အလုပ်အမှုဆောင်များသည် ထားဝယ်မြို့၊ လူမှုဝန်ထမ်းဦးစီးဌာနမှ ကျင်းပပြုလုပ်သော တနင်္သာရီတိုင်းဒေသကြီးအတွင်းရှိ စေတနာ့ဝန်ထမ်းအဖွဲ့အစည်းများသို့ (၂၀၁၈-၂၀၁၉)ခု/ဘဏ္ဍာရေးနှစ် ထောက်ပံ့ကြေးငွေများထောက်ပံ့ခြင်းအခမ်းအနားသို့ တက်ရောက်ခဲ့ပါသည်။
(၁၄.၈.၂၀၁၉)နေ့တွင် မြန်မာနိုင်ငံအမျိုးသမီး များနှင့် ကလေး သူငယ် များ ဘဝမြင့်တင်ရေး အသင်း (ရှမ်း ပြည် နယ် မြောက် ပိုင်း ) ဥက္ကဌနှင့် အဖွဲ့ ဝင် များ သည် ပြည်နယ်အမျိုးသမီးရေးရာအဖွဲ့ ၊ ပြည်နယ်မိခင်နှင့်ကလေးစောင့်ရှောက်ရေးကြီးကြပ်အဖွဲ့ဥက္ကဌ နှင့် ခရိုင် ၊ မြို့ နယ် အဖွဲ့ဝင်များ နှင့် အတူရှမ်းပြည် နယ်မြောက်ပိုင်းကျန်းမာရေး နှင့် ကုသရေးဦးစီးဌာနမှကြီးမှူးကျင်းပသော ” အာဟာရဖွံ့ဖြိုးရေးရက်သတ္တပါတ်လှုပ်ရှားမှုအခမ်းအနား” သို့ တက်ရောက်ပါဝင်လှုပ်ရှားခဲ့ပါသည်။
(၇.၈.၂၀၁၉)နေ့တွင် မွန်ပြည်နယ်၊ MWCDFအသင်းမှ အလုပ်အမှုဆောင်များသည် မော်လမြိုင်မြို့၊ ပျဉ်တောင် တန်းရပ်၊ မူလတန်းကျောင်းရှိ ကျောင်းသား/သူများအား အာဟာရကြက်သားဆန်ပြုတ်တိုက်ကျွေးခြင်းနှင့် ကျောင်းသုံးစာအုပ်များအား လှူဒါန်းခြင်း စုစုပေါင်း တန်ဖိုး(၁၂၂၀၀၀)ကျပ်ဖိုးလှူဒါန်းခဲ့ကြပါသည်။
(၁၃.၈.၂၀၁၉)နေ့တွင် မြန်မာနိုင်ငံမိခင်နှင့် ကလေးစောင့်ရှောက်ရေးအသင်းမှ ကြီးမှူး ကျင်းပပြုလုပ်သည့် ၂၀၁၉ခုနှစ်၊ ကမ္ဘာ့မိခင်နို့တိုက်ကျွေးရေး ရက်သတ္တပတ်နှင့် အဟာရဖွံ့ဖြိုးရေးရက်သတ္တပတ်များလှုပ်ရှားမှု အထိမ်းအမှတ်အခမ်းအနားသို့ MWCDF အသင်းမှ အဖွဲ့ဝင်များ တက်ရောက်ခဲ့ကြပါသည်။
(၃၀.၄.၂၀၁၉)နေ့တွင် မြန်မာနိုင်ငံ မိခင်နှင့်ကလေးစောင့်ရှောက်ရေးအသင်း (MMCWA)၏ (၂၉)ကြိမ်မြောက် နှစ်ပတ်လည်အစည်းအဝေး အလှူငွေပေးအပ်ပွဲအခမ်းအနားသို့ MWCDF အသင်းမှ ဥက္ကဋ္ဌနှင့် တွဲဘက်အတွင်းရေးမှူးတို့ တက်ရောက်၍ အလှူငွေပေးအပ်လှူဒါန်းခဲ့ပါသည်။
