Myanmar

(၁၅.၁၂.၁၈)နေ့တွင် စစ်ကိုင်းတိုင်း MWCDF အဖွဲ့ဝင်များသည် စစ်ကိုင်းတိုင်း၊ မြင်းမူမြို့နယ်၊ ဆပ်ပြာ ကျင်းကျေးရွာမှ မုံရွာပညာရေးကောလိပ်သို့ တက်ရောက်ပညာသင်ယူရန် အခက်အခဲရှိသည့် မောင်သူရိန်စိုးအား ပညာသင်ထောက်ပံ့ငွေ-(၅၀,၀၀၀)ကျပ်နှင့် လိုအပ်သော အသုံးအဆောင်ပစ္စည်းများ-(၂၀,၀၀၀)ကျပ်ဖိုးအား ဝယ်ယူလှူဒါန်းထောက်ပံ့ပေးခဲ့ပြီး ဆပ်ပြာကျင်းကျေးရွာရှိ ကျန်းမာရေးချို့တဲ့နေသော အသက်(၈၀)နှစ် အဖွားဒေါ်စံအား ကျန်းမာရေးစောင့်ရှောက်မှုအတွက် အလှူငွေ-(၂၀,၀၀၀)ကျပ်အား ထောက်ပ့ံလှူဒါန်းပေးခဲ့ပါသည်။

(၁၄.၁၂.၂၀၁၈)နေ့တွင် ဥက္ကဋ္ဌနှင့် တွဲဘက်ဘဏ္ဍာရေးမှူးတို့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက် အထိမ်းအမှတ်အနေဖြင့် ဒီဇင်ဘာလ(၁၄)ရက်နေ့တွင် သားဖွားမီးယပ်ဆေးရုံ၌ တက်ရောက်ကုသနေသော လူနာများအား နေ့လည်စာ-ထမင်း၊ ကြက်သားဟင်း၊ ကျောက်ဖရုံသီးဟင်းတို့ဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။

(၁၃.၁၂.၂၀၁၈)နေ့တွင် စစ်ကိုင်းတိုင်း MWCDF အဖွဲ့ဝင်များသည် စစ်ကိုင်းတိုင်း၊ မြင်းမူမြို့နယ်၊ ကန်ဖျားကျေးရွာသို့သွားရောက်၍ ဘိုးဘွားများအား တိုင်းရင်းဆေးအခမဲ့ကုသပေးပြီး အာဟာရထမင်းများကျွေးမွေး လှူဒါန်းခြင်း၊ မြင်းမူမြို့နယ်ရှိ မူကြိုကလေးများအား အာဟာရများ ကျွေးမွေးလှူဒါန်းခဲ့ပါသည်။

(၁၂.၁၂.၂၀၁၈)နေ့တွင် MWCDF အသင်းမှ ဥက္ကဋ္ဌ၊ အတွင်းရေးမှူးနှင့် တွဲဘက်ဘဏ္ဍာရေးမှူးတို့သည် နေပြည်တော်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဌာနချုပ်၊ ညီလာခံခန်းမ၌ ကျင်းပပြုလုပ်သည့် “ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးညီလာခံ(၂၀၁၈)” အခမ်းအနားသို့ တက်ရောက်ခဲ့ကြပါသည်။

(၁၀.၁၂.၂၀၁၈)နေ့တွင် MWCDF အသင်းမှ အတွင်းရေးမှူးနှင့် CEC တို့သည် မြန်မာနိုင်ငံမိခင်နှင့် ကလေးစောင့်ရှောက်ရေးအသင်း(MMCWA)မှ ကြီးမှူးကျင်းပသည့် “၂၀၁၈ခုနှစ်၊ ကမ္ဘာ့ခုခံအားကျဆင်းမှု ကူးစက် ရောဂါတိုက်ဖျက်ရေးနေ့” (WORLD AIDS DAY 2018) အထိမ်းအမှတ်အခမ်းအနားသို့ တက်ရောက်ခဲ့ကြပါသည်။