Myanmar

(၂၇.၁၀.၂၀၁၈)နေ့တွင် ကရင်ပြည်နယ် MWCDF အဖွဲ့ဝင်များသည် ဘားအံမြို့နယ်၊ လာကပြင် ကျေးရွာအုပ်စု၊ နောင်ယားဖေးကျောင်း၊ တောင်ကလေး ဘုန်းတော်ကြီးသင်ပညာရေး ကျောင်း(ခွဲ)သို့သွားရောက်၍ ကျောင်းသား/သူများအတွက် စာရေးကိရိယာများ စုစုပေါင်း-(၁၅၇,၀၀၀)ကျပ် ဘိုး သွားရောက်လှူဒါန်ခဲ့ပြီး ကျောင်းသား/သူကလေးများ စာပေသင်ကြားနေမှုများအား ကြည့်ရှုအားပေးခဲ့ကြပါသည်။

(၂၀.၁၀.၂၀၁၈)နေ့တွင် မကွေးတိုင်း MWCDF အဖွဲ့ဝင်များသည် ချောက်မြို့၊ အနော်ရထာတံတားအနီး အမှတ်(၈)ရပ်ကွက်၊ မိခင်မေတ္တာ မိဘမဲ့ဂေဟာသို့ သွားရောက်၍ အလှူငွေ-(၁၀၀,၀၀၀)ကျပ်နှင့် ဆန်၊ ဆီ စုစုပေါင်း-(၂၉၈,၀၀၀)ကျပ်ဘိုး ထောက်ပံလှူဒါန်းခဲ့ပါသည်။ ဆက်လက်၍ မကွေးတိုင်း MWCDFအဖွဲ့ဝင်များသည် အမှတ်(၁၄)ရပ်ကွက်ရှိ မသန်စွမ်းဖြစ်နေ သော(၅)နှစ်အရွယ် မပြည့်မှူးခင်အား သွားရောက်တွေ့ဆုံ၍ အလှူငွေ-(၅၀,၀၀၀)ကျပ်နှင့် ဆန်တစ်အိတ် ထောက်ပံ့လှူဒါန်းခဲ့ပါသည်။

(၄.၁၀.၂၀၁၈)နေ့တွင် MWCDF အသင်းမှ ဒုဥက္ကဋ္ဌ (၂)ဦး၊ အတွင်းရေးမှူးနှင့် CEC များသည် မြင်းခြံ ခရိုင်၊ တောင်သာမြို့နယ်၊ မဟာမြိုင်ကျေးရွာသို့ ရောက်ရှိပြီး အသင်းမှ ၂၀၁၄-၂၀၁၅ ခုနှစ်တွင် စက်ရေတွင်း၊ ရေလှောင်ကန်နှင့် ရေတင်စက်များ ပေးလှူခဲ့သော တောင်သာမြို့နယ် မဟာမြိုင်ကျေးရွာ၊ ဇေယျသုခ(အရှေ့)ကျေးရွာ၊ ပုဒါတ်စာကုန်းကျေးရွာ၊ နတ်စောင့်ကျေးရွာ စုစုပေါင်း ကျေးရွာ(၄)ရွာမှ ရာအိမ်မှူး၊ ရပ်မိရပ်ဖများ၊ ကျေးရွာ MWCDF အဖွဲ့ဝင်များနှင့် တွေ့ဆုံခဲ့ပါသည်။ တွေ့ဆုံရာတွင် အသင်းဒုဥက္ကဋ္ဌနှင့်အဖွဲ့မှ နှုတ်ခွန်းဆက်စကားပြောကြားပြီး ကျေးရွာ စက်ရေတွင်း တာဝန်ခံအဖွဲ့များက မိမိကျေးရွာ

(၃၁.၁၀.၂၀၁၈)နေ့တွင် မွန်ပြည်နယ် MWCDF အဖွဲ့ဝင်များသည် မော်လမြိုင်မြို့၊ ရွှေမြိုင်သီရိ ရပ်ကွက်ရှိ သီလရှင်စာသင်တိုက်သို့ သွားရောက်၍ အဖွဲ့ဝင်များ၏ ထည့်ဝင်ငွေဖြင့် သီလရှင်အပါး(၃၀)အတွက် ဆန်၊ ဆီများ လှူဒါန်းခဲ့ပါသည်။ ဆက်လက်၍ ပြည်နယ်အားကစားရုံတွင် Aerobic လေ့ကျင့်နေကြသော အမျိုးသမီးလေးများ စုစုပေါင်း(၃)ဦးအတွက် ဓာတ်ဆားထုပ်များ သွားရောက်လှူဒါန်းခဲ့ပြီး လေ့ကျင့်နေမှုများအား အားပေးခဲ့ပါသည်။ စုစုပေါင်းလှူဒါန်းငွေမှာ(၆၆,၀၀၀)ကျပ်ဖြစ်ပါသည်။

(၃၁.၁၀.၂၀၁၈)နေ့တွင် ရှမ်းပြည်နယ်(မြောက်ပိုင်း) MWCDF အဖွဲ့ဝင်များသည် လားရှိုးမြို့၊ သီရိမင်္ဂလာ မန်ဆူရှမ်းကျောင်းသို့သွားရောက်၍ စစ်ဘေးရှောင်ပြည်သူ-(၁,၀၀၀)ကျော်အတွက် ဆန်အိတ်များ လှူဒါန်းခဲ့ပြီး စစ်ဘေးရှောင် အမျိုးသမီး၊ ကလေးသူယ်များနှင့် မိသားစုများအား အားပေးစကားများ ပြောကြားခဲ့ပါသည်။