Myanmar

(၁၅.၁၀.၂၀၁၈)နေ့တွင် ရှမ်း/မြောက် လားရှိုးမြို့၌ ကျင်းပပြုလုပ်သော “အပြည်ပြည်ဆိုင်ရာ မျက်မမြင်လမ်းလျှောက်တုတ်နေ့” တွင် MWCDF, MWAF, MMCWA & Golden Pearl & other CSOs participating & supporting အဖွဲ့များမှ ပါဝင်ကူညီဆောင်ရွက်ကြရာ ရှမ်း/မြောက် MWCDF(လားရှိုး)အဖွဲ့ဝင်များမှ Milo ဘူးများနှင့် မုန့်ထုပ်များ လှူဒါန်းခဲ့ပြီး ကျန်အသင်းအဖွဲ့များမှလည်း ရေသန့်၊ အချိုရည်ဘူးများ၊ မုန့်များဝေငှသည့်အပြင် ပန်းဝင်နေရာတွင်လည်း Towel၊ ကောက်ညင်းပေါင်း+အကြော်နှင့် အလှူငွေများ ထောက်ပံ့ခဲ့ကြပါသည်။

(၁၂.၁၀.၂၀၁၈)နေ့တွင် တောင်သာမြို့နယ်၊ ပုဒါတ်စာကုန်းကျေးရွာမှ MWCDF အဖွဲ့ဝင်များသည် MWCDF(ရုံးချုပ်)မှ လှူဒါန်းခဲ့သော အသင်းတီရှပ်များ၊ လုံချည်များ၊ ပေါင်မုန့်များအား ကျေးရွာအတွင်းရှိ အဖိုးအဖွားများ၊ ကိုယ်ဝန်ဆောင်မိခင်များအား ပေးအပ်လှူဒါန်းခဲ့ပါသည်။ ဆက်လက်၍ ကျေးရွာအစိုးရမူလွန်ကျောင်းနှင့် ဘုန်းတော်ကြီးသင် ပညာရေးကျောင်းများသို့ သွားရောက်ပြီး ကျောင်းတွင်ပညာသင်ကြားနေသော ကျောင်းသား/သူများအား ဗလာစာအုပ် နှင့် မုန့်များ ပေးအပ်လှူဒါန်းခဲ့ပါသည်။

(၁၁.၁၀.၂၀၁၈)နေ့တွင် အသင်းမှ ဗဟိုအလုပ်အမှုဆောင် ဒေါက်တာနန္ဒာမွှန်းနှင့်အဖွဲ့ဝင်(၆)ဦးသည် မကွေးတိုင်း၊ စလင်းမြို့၊ ရွှေလဝင်းသီလရှင်စာသင်တိုက်သို့ သွားရောက်၍ သီလရှင်(၂၅)ပါးအတွက် ဆန်(၁)အိတ်၊ စာအုပ်(၄)ဒါဇင်၊ ဘောပင်များ စုစုပေါင်းတန်ဘိုး-(၄၀,၀၀၀)ကျပ်ဘိုး ပေးအပ်လှူဒါန်းခဲ့ပါသည်။ ထို့နောက်် အသင်း CEC နှင့် အဖွဲ့ဝင်များသည် ဗောဓိရိပ်သာ သီလရှင်စာသင်တိုက်သို့ သွားရောက်၍ သီလရှင်(၁၀)ပါး၊ သင်တန်းသူ(၆၀)ဦးအတွက် ဆန်(၃)အိတ်၊ စာအုပ်(၅)ဒါဇင်နှင့် ဘောပင်များ စုစုပေါင်းတန်ဘိုး (၁၂၀,၀၀၀)ကျပ်ဘိုး လှူဒါန်းခဲ့ကြပါသည်။

(၉.၁၀.၂၀၁၈)ရက်နေ့တွင် တောင်သာမြို့နယ်၊ မဟာမြိုင်ကျေးရွာမှ MWCDF အဖွဲ့ဝင်များသည် ကျေးရွာဘုရားတန်ဆောင်းအတွင်းတွင် MWCDF (ရုံးချုပ်)မှ လှူဒါန်းခဲ့သော အသင်းတီရှပ်များ၊ လုံချည်များ၊ ကျောင်းဝတ်စုံများ၊ ဗလာစာအုပ်များနှင့် ပေါင်မုန့်များအား ကျေးရွာတွင်းရှိ အဖိုးအဖွားများ၊ ကိုယ်ဝန်ဆောင်မိခင်များ၊ ကျောင်းသား/သူများအား ပေးအပ်လှူဒါန်းခဲ့ကြပါသည်။ ထို့နောက် ဘုရားတန်ဆောင်းအတွင်း ကြွရောက်ကြသည့် ဥပုသ်သည်များနှင့် ကျောင်းသား/သူများအား အလှူရှင် ဦးသောင်းအေး+ဒေါ်ပြုံး(မိသားစု)မှ မုန့်ဟင်းခါးအာဟာရနှင့် မဟာမြိုင် MWCDF အသင်းအဖွဲ့မှ လက်ဖက်သုပ် နှင့် ဝေယျာဝစ္စကုသိုလ်များ ပါဝင်ဆောင်ရွက်ခဲ့ကြပါသည်။