Myanmar

(၁၈.၉.၂၀၁၈)နေ့တွင် ကချင်ပြည်နယ် MWCDF အဖွဲ့ဝင်များသည် မြစ်ကြီးနားမြို့နယ်၊ ရှဒေါင်ကျေးရွာရှိ သာသနာ့ဂုဏ်ရည်ကျောင်းတိုက်သို့ သွားရောက်၍ ကျောင်းထိုင်ဆရာတော်ဦးနန္ဒော ဘာသအား ဝတ္ထုငွေ-(၂၀,၀၀၀)ကျပ်၊ ဆန်၊ ဆီ၊ ဆပ်ပြာ၊ ကော်ဖီ၊ အချိုရည်နှင့် ငါးသေတ္တာဘူးများ စုစုပေါင်း (၁၀၇,၅၀၀)ကျပ်ဖိုး လှူဒါန်းခဲ့ပါသည်။

(၁၆.၉.၂၀၁၈)နေ့တွင် MWCDF အသင်းမှ CEC များသည် အိန္ဒိယနိုင်ငံ Barefoot College မှ Solar Engineer သင်တန်း၊ သင်တန်းကာလ(၆)လ တက်ရောက်၍ ပြန်လည်ရောက်ရှိလာသော ကရင် ပြည်နယ်၊ လိပ်သိုမြို့၊ မိုင်းလွန်(ထက်၊ လယ်၊ အောက်)ကျေးရွာမှ အမျိုးသမီးကြီး (၁၀)ဦးအား ရန်ကုန်အပြည်ပြည်ဆိုင်ရာလေဆိပ်တွင် ကြိုဆိုခဲ့ပြီး မိမိတို့နေရပ်ပြန်နိုင်ရေးအား စီစဉ်ဆောင်ရွက်ပေးခဲ့ပါသည်။

(၁၄.၉.၂၀၁၈)နေ့တွင် MWCDFအသင်းမှ CEC နှင့်အဖွဲ့ဝင်တို့သည် နေပြည်တော်၊ ဥတ္တရသီရိမြို့နယ်၊ သားဖွား မီးယပ်အထူးကုဆေးရုံကြီးသို့သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက် အထိမ်းအမှတ်အနေဖြင့် စက်တင်ဘာလ(၁၄)ရက်နေ့တွင် သားဖွားမီးယပ်ဆေးရုံ၌ တက်ရောက်ကုသနေသော လူနာများအား နေ့လည်စာ-ထမင်း၊ ကြက်သားဟင်းတို့ဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။ ထို့နောက် ဆေးရုံ၌ ကူညီထောက်ပံ့ရန် လိုအပ်နေသော ဥတ္တရသီရိမြို့နယ်၊ ပိုးစာတောရွာမှ ကလေးမီးဖွားမိခင် ဒေါ်လှဌေးဦးသည် ကိုယ်ဝန်စလွယ်နေချိန်မှစ၍ ယခုကလေး မွေးဖွားပြီးချိန်ထိ အောက်ပိုင်းမလှုပ်ရှားနိုင်သည်ကို တွေ့ရှိရသည့်အတွက် အသင်း CEC များမှ အလှူငွေ-(၅၀,၀၀၀)ကျပ်နှင့် ကွေကာ၊ ဘီစကစ်မုန့်၊ မျက်နှာသုတ်ပုဝါ၊ အနွေးထည်၊

(၁၃.၉.၂၀၁၈)နေ့တွင် စစ်ကိုင်းတိုင်း MWCDF အဖွဲ့ဝင်များသည် မြင်းမူမြို့နယ်၊ ဆပ်ပြာကျင်းကျေးရွာနေ အသက် (၇၈)နှစ်ရှိ အဖိုးဦးသောင်းခင်အား မျက်စိအခမဲ့ ခွဲစိတ်ကုသပေးခဲ့ပြီး ထောက်ပံ့ငွေ – (၃၀,၀၀၀)ကျပ်အား ပေးအပ်လှူဒါန်းခဲ့ပါသည်။

(၁၃.၉.၂၀၁၈)နေ့တွင် ရှမ်းပြည်နယ်(မြောက်ပိုင်း)၊ MWCDF အဖွဲ့ဝင်များသည် လားရှိုးမြို့တွင်ကျင်းပပြုလုပ်သော “မြန်မာနိုင်ငံ လူကုန်ကူးမှုတိုက်ဖျက်ရေးနေ့” အခမ်းအနားသို့ တက်ရောက်ခဲ့ပြီး လူမှောင်ခို ကုန်ကူးမှုတိုက်ဖျက်ရေး လှုပ်ရှားမှုအတွက် လူကုန်ကူးမှုတားဆီးရေး ဥက္ကဋ္ဌထံ အလှူငွေ- (၂၀၀,၀၀၀)ကျပ် ပေးအပ်လှူဒါန်းခဲ့ပါသည်။