Myanmar

(၂၀.၈.၂၀၁၈)နေ့တွင် ဦးစောဘုန်းနိုင် Myanmar Distillery Co.,Ltd မှ MWCDFအသင်း နှစ်ပတ်လည်နေ့ အထိမ်းအမှတ် အလှူငွေ-(၂,၅၀၀,၀၀၀)ကျပ်အား လာရောက်လှူဒါန်းရာ အသင်းမှ အတွင်းရေးမှူးနှင့် CECများမှ လက်ခံရယူပြီး အလှူရှင်ဂုဏ်ပြုမှတ်တမ်းလွှာနှင့် အသင်း၏ အမှတ်တရလက်ဆောင်အိတ်များ ပြန်လည်ပေးအပ်ခဲ့ပါသည်။

စစ်ကိုင်းတိုင်း၊ MWCDF အဖွဲ့ဝင်များသည် မြင်းမူမြို့နယ်၊ ကန်ဖျားကျေးရွာမှ ကလေးငယ်တစ်ဦးသည် ဦးခေါင်းတွင်အရည်ကြည်ဖု တည်နေရာ စစ်ကိုင်းပြည်သူ့ဆေးရုံကြီးသို့ ခေါ်ဆောင်၍ ခွဲစိတ်ကုသမှုခံယူခဲ့ရာ (၁၆.၈.၂၀၁၈)နေ့တွင် သွားရောက်တွေ့ဆုံခဲ့ပြီး အလှူငွေ-(၂၅,၀၀၀)ကျပ်နှင့် စားစရာများ-(၁၅,၀၀၀)ကျပ်ဘိုး ပေးလှူခဲ့ပါသည်။ (၁၇.၈.၂၀၁၈)နေ့တွင်လည်း သွားရောက်ခဲ့ပြီး ဦးခေါင်းခွဲစိတ်မှုအောင်မြင်ခဲ့၍ ကလေးငယ်အား အဝတ်အစားများ-(၅၀,၀၀၀)ကျပ်ဘိုး ထပ်မံလှူဒါန်းပေးခဲ့ပါသည်။

(၁၇.၈.၂၀၁၈)နေ့တွင် ကရင်ပြည်နယ် MWCDF အဖွဲ့ဝင်များသည် အ.ထ.က(၁)၊ ဘားအံတွင် ကျင်းပပြုလုပ်သော ၂၀၁၈-၁၉ပညာသင်နှစ်၊ ကရင်ပြည်နယ် ကျောင်းပြင်ပ မူလတန်းပညာရေး (ပြည်နယ်အဆင့်) (NFPE)လုပ်ငန်းဖွင့်ပွဲအခမ်းအနားတွင် အလှူငွေ-(၁၀၀,၀၀၀)ကျပ် တက်ရောက် ပါဝင်လှူဒါန်းခဲ့ပါသည်။

(၁၇.၈.၂၀၁၈)နေ့တွင် ဥတ္တရသီရိမြို့နယ်၊ သားဖွားမီးယပ်ဆေးရုံကြီးတွင် (၃) မြွာပူးမွေးဖွားသည့် ဇေယျာသီရိမြို့နယ်၊ သစ်တပ်ကျေးရွာမှ မိခင်နှင့်ကလေးတို့အား MWCDFအသင်းမှ တွဲဘက်အတွင်းရေးမှူးနှင့်အဖွဲ့ဝင်တို့သည် လိုအပ်သော ကူညီပံ့ပိုးမှုများနှင့် အသုံးအဆောင်ပစ္စည်းများ လှူဒါန်းခဲ့ပါသည်။

(၁၆.၈.၁၈)နေ့တွင် မွန်ပြည်နယ် အသင်းဝင်များမှ မော်လမြိုင်မြို့နယ်၊ ပျဉ်ထောင်တန်း မူလတန်းကျောင်းသို့ သွားရောက်၍ ကျောင်းသား/သူ(၈၂)ဦးအား အာဟာရရက်သတ္တပတ်အထိမ်းအမှတ် သာကူကျိုတိုက်ကျွေးခြင်း၊ စာရေးကိရိယာများ စုစုပေါင်း(၁၀၇,၀၀၀)ကျပ်ဘိုးအား ထောက်ပံ့လှူဒါန်းခဲ့ပါသည်။

(၁၅.၈.၂၀၁၈)နေ့တွင် MWCDFအသင်းမှ အတွင်းရေးမှူးနှင့် CECများသည် မြန်မာနိုင်ငံ မိခင်နှင့်ကလေးစောင့်ရှောက်ရေးအသင်းမှ ကြီးမှူးကျင်းပသည့် ၂၀၁၈ခုနှစ်၊ ကမ္ဘာ့မိခင်နို့ တိုက်ကျွေးရေးရက်သတ္တပတ်နှင့် အာဟာရဖွံ့ဖြိုးရေး ရက်သတ္တပတ်များလှုပ်ရှားမှု အထိမ်း အမှတ်အခမ်းအနားသို့ တက်ရောက်ခဲ့ပါသည်။