Myanmar

ရှမ်းပြည်နယ်(မြောက်ပိုင်း)၊ လားရှိုးမြို့၊ ဘာသာမရွေးလူမှုကူညီမှုအသင်းတွင် MWCDFအသင်းအဖွဲ့ဝင်များမှ ထိုင်ဝမ်မှ ပရဟိတသွားဆရာဝန်များအဖွဲ့(TOCA)နှင့် လားရှိုးမြို့ လူမှုအသင်းတို့နှင့်အတူ ပူးပေါင်းဆောင်ရွက်သော အခမဲ့သွားစမ်းသပ်စစ်ဆေးကုသပေးခြင်းအား (၈.၅.၂၀၁၈)မှ(၉.၅.၂၀၁၈)ရက်နေ့အထိ (၂)ရက်တိတိ ဆောင်ရွက်ခဲ့ပါသည်။

MWCDFအသင်းမှ ဥက္ကဋ္ဌနှင့်CECများသည် (၂၈.၅.၂၀၁၈)နေ့တွင် တိုင်း MWCDFအသင်း ဖွဲ့စည်းရန်အတွက် စစ်ကိုင်းတိုင်း၊ မုံရွာမြို့သို့ သွားရောက်ခဲ့ပါသည်။ မုံရွာမြို့တွင် အသင်းအဖွဲ့ ဖွဲ့စည်းရန်အတွက် စုဖွဲ့ထားသောအမျိုးသမီးအဖွဲ့ဝင်(၉)ဦးနှင့် မုံရွာမြို့၊ Win Unityဟိုတယ် အစည်းအဝေးခန်းမ၌ တွေ့ဆုံခဲ့ပြီး အသင်းဥက္ကဋ္ဌမှ အသင်းအကြောင်း ရှင်းလင်းပြောကြားခြင်း၊ အသင်းCECများမှ အသင်းဖွဲ့စည်းရခြင်းအကြောင်း ရှင်းလင်းပြောကြားခြင်း၊ အသင်း Documentary Film ပြသခြင်းများ ပြုလုပ်ခဲ့ပါသည်။ ထို့နောက် စစ်ကိုင်းတိုင်း MWCDFအဖွဲ့ဝင်များထံသို့ အသင်းဝတ်စုံ၊ အသင်းမဂ္ဂဇင်း၊ အသင်းဗလာ စာအုပ်များ၊ အသင်းတံဆိပ်များနှင့် ဇွန်လနှင့် ဇူလိုင်လတို့အတွက် Activity

(၂၅. ၅. ၂၀၁၈)နေ့တွင် MWCDF(ရုံးချုပ်)၊ နေပြည်တော်၌ (၃၁)ကြိမ်မြောက် ဗဟိုအလုပ်အမှုဆောင် အစည်းအဝေးကျင်းပပြုလုပ်ခဲ့ပါသည်။ အစည်းအဝေးသို့ အသင်းဥက္ကဋ္ဌ၊ ဒုတိယဥက္ကဋ္ဌ(၂)ဦး၊ အတွင်းရေးမှူး(၂)ဦးနှင့် CECများ၊ အဖွဲ့ဝင်များ တက်ရောက်ခဲ့ကြပါသည်။ အစည်းအဝေးတွင် အသင်း၏ ရှေ့ဆောင်ရွက်မည့် လုပ်ငန်းစဉ်များနှင့် အသင်း(၅)နှစ်ပြည့် နှစ်ပတ်လည်နေ့ အခမ်းအနားကျင်းပရေးကိစ္စရပ်များအား ဆွေးနွေးခဲ့ကြပြီး အစည်းအဝေးမှတ်တမ်းအရ အတည်ပြုရမည့် အချက်များအား ဆွေးနွေးဆုံးဖြတ်ခဲ့ကြပါသည်။

(၂၃.၅.၂၀၁၈)နေ့တွင် ဥတ္တရသီရိမြို့နယ်၊ သားဖွားမီးယပ်ဆေးရုံကြီးတွင် ၃ မွှာပူးမွေးဖွားသည့် တပ်ကုန်းမြို့နယ်၊ ကြံဘိုကျေးရွာမှ မိခင်နှင့်ကလေးတို့အား MWCDFအသင်းမှဒုဥက္ကဋ္ဌနှင့် CECများသည် လိုအပ်သော ကူညီပံ့ပိုးမှုများနှင့် အသုံးအဆောင်ပစ္စည်းများလှူဒါန်းခဲ့ပါသည်။

(၁၅.၅.၂၀၁၈)နေ့တွင် ဥတ္တရသီရိမြို့နယ်၊ အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ပြုလုပ်သော မြို့နယ်အဆင့်ကလေးသူငယ်အခွင့်အရေးများဆိုင်ရာ ဥပဒေပါ ပြဌာန်းချက်များကို ထိရောက်စွာအကောင်အထည်ဖော် ဆောင်ရွက်နိုင်ရန်အတွက် မြို့နယ်ကလေးသူငယ် အခွင့်အရေးများဆိုင်ရာ ကော်မတီလုပ်ငန်းညှိနှိုင်းအစည်းအဝေးသို့ အသင်းမှ ဒေါ်နီလာအေး(CEC)တက်ရောက်ဆွေးနွေးခဲ့ပါသည်။