Myanmar

(၁၀.၅.၂၀၁၈)နေ့တွင် MWCDFအသင်းမှ ဥက္ကဋ္ဌ၊ ဒုဥက္ကဋ္ဌနှင့် CECများသည် မကွေးမြို့၊ သာသနာ့ ဂုဏ်ရည် သီလရှင်(သင်)အမျိုးသမီးပညာရေးကျောင်းတွင် မကွေးမြို့မှ အမျိုးသမီးများနှင့် တွေ့ဆုံကာ အသင်းအကြောင်း ရှင်းလင်းပြောကြားကာ အသင်းဖွဲ့စည်းနိုင်ရေး တွေ့ဆုံဆွေးနွေးခဲ့ပြီး အသင်းအဖွဲ့ဝင်(၁၀)ဦး ဖွဲ့စည်းနိုင်ခဲ့ပါသည်။ ထို့နောက် MWCDFအသင်းအဖွဲ့ဝင်များအဖြစ် စိတ်ပါဝင်စားသူများအား အဖွဲ့ဝင်များပါဝင်နိုင်ရန် အသင်းအဖွဲ့ဝင် လျှောက်လွှာများ ပေးအပ်ခဲ့ပြီး အသင်း Activity ပြုလုပ်နိုင်ရန်အတွက် အလှူငွေ-(၁၅၀,၀၀၀)ကျပ်၊ အသင်းတီရှပ်များ၊ အသင်းပန်းရောင်လုံချည်များ၊ အသင်းမဂ္ဂဇင်း စာအုပ်များ၊ ဗလာစာအုပ်များ၊ အသင်းလက်ကမ်းစာစောင်များအား မကွေးမြို့ MWCDFအဖွဲ့ထံ ပေးအပ်ခဲ့ပါသည်။

(၁၀.၅.၂၀၁၈)နေ့တွင် MWCDFအသင်းမှ ဥက္ကဋ္ဌ၊ ဒုဥက္ကဋ္ဌနှင့် CECများသည် မကွေးမြို့၊ သာသာနာ့ဂုဏ်ရည် သီလရှင်(သင်) အမျိုးသမီးပညာရေးကျောင်းသို့ရောက်ရှိကာ ကျောင်းထိုင်ဆရာကြီးအား အလှူငွေ-(၅)သိန်းကျပ်၊ လှူဘွယ်ခြင်းများ၊ ကျောင်းဝတ်စုံများ၊ ကျောင်းစိမ်း/ဖြူပိတ်စများ၊ စာရေးကိရိယာများ၊ မင်္ဂလာစာအုပ်၊ မဂ္ဂဇင်းစာအုပ်၊ ဖိနပ်များ ပေးအပ်လှူဒါန်းခဲ့ပါသည်။ ဆက်လက်၍ အသင်းအဖွဲ့ဝင် ဒေါက်တာနန္ဒာမွှန်း မှ ကျောင်းတွင် ပညာသင်ကြားလျက်ရှိသော သီလရှင် ဆရာလေးများနှင့် ကျောင်းသား/သူများ အင်္ဂလိပ်စာဘာသာရပ် ဖြေဆိုရာတွင် သိမှတ်သားဖွယ်ရာအချက်အလက်များအား ရှင်းလင်းပြောကြားပေးခဲ့ပါသည်။

(၉. ၅. ၂၀၁၈)နေ့တွင် MWCDFအသင်းမှ ဥက္ကဋ္ဌနှင့်CECများသည် မြန်မာနိုင်ငံ မိခင်နှင့်ကလေး စောင့်ရှောက်ရေးအသင်း(MMCWA)၏ (၂၈)ကြိမ်မြောက် နှစ်ပတ်လည်အစည်းအဝေး ဖွင့်ပွဲအခမ်းအနားသို့ တက်ရောက်ခဲ့ပါသည်။

(၆.၅.၂၀၁၈)နေ့တွင် MWCDF(ရုံးချုပ်)၊ နေပြည်တော်၌ ဖွင့်လှစ်သင်ကြားပေးလျက်ရှိသော နွေရာသီအင်္ဂလိပ်စာ(Elementary Level) သင်တန်းတွင် တက်ရောက်နေသည့် ကျောင်းသား/သူများအား Talk show ပြိုင်ပွဲ ကျင်းပပြုလုပ်ပေးခဲ့ပါသည်။ Talk Show ပြိုင်ပွဲတွင် ကျောင်းသား/သူ(၅)ဦး ဆုရရှိခဲ့ပါသည်- ပြိုင်ပွဲတွင်ဆုရရှိသူများမှာ – ပထမဆု-မဝိုင်းထက်ထက်အောင် ဒုတိယဆု- မဟေသာညိုစင် တတိယဆု-မဇင်ဇင်စိုး စတုတ္ထဆု – မသိမ့်သိမ့်သူ ပဥ္စမဆု – မသိရိနန်းစံ ဖြစ်ပြီးအသင်း CECများမှ အကဲဖြတ်အမှတ်ပေးကာ ဆရာဦးမင်းစိုသူရမှ ဆုများ ချီးမြှင့်ပေးခဲ့ပါသည်။

(၆.၅.၂၀၁၈)နေ့တွင် MWCDF(ရုံးချုပ်)၊ နေပြည်တော်၌ ဖွင့်လှစ်သင်ကြားပေးလျက်ရှိသော (Pre-Intermediate Level)သင်တန်းတွင် တက်ရောက်နေသည့် ဆရာ/မများအား Talk show ပြိုင်ပွဲ ကျင်းပပြုလုပ်ပေးခဲ့ပါသည်။ Talk Show ပြိုင်ပွဲတွင် ဆုရရှိသူများမှာ- ပထမဆု – ဦးဆန်းထွန်းဇော် ဒုတိယဆု – ဒေါ်မိုင်တင်ရီ တတိယဆု – မောင်ဝေဆာဖြိုး ကိုယ်ရည်ကိုယ်သွေးထူးချွန်ဆု -စောကျော်ထူးအောင် တို့ဖြစ်ပါသည်။ ထို့နောက် သင်တန်းသား/သူများနှင့် အသင်းCECများ အမှတ်တရဓါတ်ပုံ ရိုက်ကူးခဲ့ပါသည်။