Myanmar Women and Children Development Foundation
(၁.၃.၃.၂၀၂၃ မှ ၃.၃.၂၀၂၃)ရက်နေ့အထိ ကချင်ပြည်နယ်၊ မြစ်ကြီးနားမြို့၊ ပြည်နယ်လူဝင်မှုကြီးကြပ် ရေးနှင့်ပြည်သူ့အင်အား ဦးစီးဌာန အစည်းအဝေးခန်းမ၌ ကချင်ပြည်နယ်အမျိုးသမီးကော်မတီမှ ဦးဆောင်၍ ကျင်းပသော “အမျိုးသမီးများ ဘဝမြှင့်တင်ရေးနှင့် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ (၁/၂၀၂၃)” တွင် ကချင်ပြည်နယ် MWCDF အသင်းဥက္ကဌတက်ရောက်ခဲ့ပါသည်။
(၂.၃.၂၀၂၃)နေ့တွင် ဧရာဝတီတိုင်း MWCDF အသင်းမှ ဥက္ကဌနှင့်အဖွဲ့ဝင်များသည် ကန်ကြီးထောင့်မြို့၊ အမှတ်(၁)ရပ်ကွက်၊ စံဇေတဝန်ပရဟိတမိဘမဲ့ကလေးများ စောင့်ရှောက်ရေးကျောင်းတွင် နံနက်စာ အာဟာရထမင်းဟင်းဒါနပြုကျွေးမွေးလှူဒါန်းပြီး ဆရာတော်အား နဝကမ္မအလှူငွေနှင့် မုန့်များ ဆက်ကပ်လှူဒါန်းခဲ့ပါသည်။
(၂၇.၂.၂၀၂၃)နေ့တွင် ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များသည် ဈေးသည်လေးများနှင့် အရင်းအနှီးမရှိသူလေးများ(၅)ဦးအား ပဲတီပင်ပေါက်ဖောက်နည်းအား စာတွေ့/လက်တွေ့အိမ်တိုင်ရာရောက် သင်ကြားပေးပြီး မတည်ငွေများ ထောက်ပံ့ပေးခဲ့ပါသည်။
(၇.၂.၂၀၂၃)နေ့တွင် ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များသည် ပဲခူးမြို့၊ ကျုံးတောင့် ဝိပသနာကျောင်းတိုက်ရှိ သီလရှင်ဆရာကြီးနှင့် ဆရာလေးများအား သီလရှင်ဝတ်စုံ၊ ထီး၊ အိတ်၊ ခြေသုတ်ခုံများ လှူဒါန်းပြီး ရွှေရင်အေးနှင့် နေ့ဆွမ်း ကပ်လှူခဲ့ပါသည်။
မြန်မာနိုင်ငံ မသန်စွမ်းသူများ ရှေ့ဆောင်အဖွဲ့ မကွေးမီလီ(နယ်ရုံးခွဲ)၏ ဦးဆောင်မှုဖြင့် မကွေးတိုင်းအတွင်းရှိ မကွေး၊ မင်းဘူး၊ ပွင့်ဖြူ၊ ရေနံချောင်းမြို့နယ်များမှ ကိုယ်အင်္ဂါ၊ အပြော၊ အကြားမသန်စွမ်းသူ (၇)ဦးအား (၂၅.၂.၂၀၂၃ မှ ၁.၃.၂၀၂၃)ရက်နေ့အထိ (၅)ရက်တိုင်တိုင် ဖွင့်လှစ်သင်ကြားပေးသော ပန်းကြယ်သီးသင်တန်းတွင် မကွေးတိုင်း MWCDF အသင်း ဥက္ကဌမှ နေ့စဉ်ပံ့ပိုးကူညီမှုပြုလုပ်ခဲ့ပြီး သင်တန်းအတွက် အလှူငွေ လှူဒါန်းခဲ့ပါသည်။
(၂၃.၂.၂၀၂၃)နေ့တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ အစည်းအဝေးခန်းမ၌ ၂၀၂၃ ခုနှစ်၊ အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် အခမ်းအနားကျင်းပပြုလုပ်ခြင်းနှင့်ပတ်သက်သော ညှိနှိုင်းအစည်းအဝေးသို့ MWCDF အသင်းမှ ခေတ္တဥက္ကဌ တက်ရောက်ဆွေးနွေးခဲ့ပါသည်။
