Myanmar

၂၂.၈.၂၀၁၇ရက်နေ့၊ နံနက်(၀၉းဝ၀)နာရီတွင် ရန်ကုန်မြို့၊ International Business Center(I.B.C)၌ “Celebration of MWCDF Friendship” အခမ်းအနားကျင်းပပြုလုပ်ခဲ့ပါသည်။

(၃၁.၇.၂၀၁၇)နေ့တွင် မိတ္ထီလာမြို့နယ် အလည်ရွာကျေးရွာရှိ သက်ကြီးရွယ်ဘိုးဘွား(၇၀)ဦးအား အလှူရှင် ဦးဝင်းရှိန်+ဒေါ်စုညွန့်ဦး မိသားစုနှင့် MWCDFအသင်း ဗဟိုအလုပ်အမှုဆောင်များမှ အလှူငွေများ၊ မျက်နှာသုတ်ပုဝါများ၊ တရားစာအုပ်များ၊ သွားတိုက်တံများ၊ ဆပ်ပြာထုပ်များ ပေးအပ်လှူဒါန်းခဲ့ပါသည်။ ထို့နောက် အခြေခံပညာအထက်တန်းကျောင်းရှိ ကျောင်းသား/သူများအတွက် MWCDFအသင်းမှ ဗလာစာအုပ်များ၊ ၃၈ဖြာမင်္ဂလာစာအုပ်များနှင့် အလှူရှင် ဦးဝင်းရှိန်+ဒေါ်စုညွန့်ဦး မိသားစုမှ ခဲတံများ၊ ခဲဖျက်များ၊ ဘောပင်များ၊ ခဲချွန်စက်များ၊ ပေတံများပေးအပ်လှူဒါန်းခဲ့ပါသည်။

MWCDFအသင်း၏တန်ဖိုးသင့်အာဟာရကုသိုလ်ရှင် (၃၁-၇-၁၇)ရက်နေ့ အလှူရှင်- ဦးဝင်းရှိန်+ဒေါ်စုညွန့်ဦး မိသားစု (မွေးနေ့အလှူ) နေပြည်တော်၊ ဥတ္တရသီရိမြို့နယ်၊ ကုတင်(၁၀၀)ဆံ့ သားဖွားမီးယပ်အထူးကုဆေးရုံကြီးတွင် တက်ရောက် ကုသနေသော အမျိုးသမီးလူနာများနှင့် လူနာစောင့်များ အားလုံးကိုပါ- နံနက်စာ    – ကွေကာအုပ်၊ ကိတ်မုန့် နေ့လည်စာ – ထမင်း၊ ကြာဇံကြော်၊ ခေါက်ဆွဲကြော် ညနေစာ    – ခေါက်ဆွဲခြောက်ထုပ်၊ ကြက်ဥပြုတ် တို့ဖြင့် အဟာရဒါန လှူဒါန်းခြင်းနှင့် မွေးကင်းစကလေး တစ်ဦးလျှင် အနှီးပိတ်(၂)ထည်စီ ပေးအပ်လှူဒါန်းခဲ့ပါသည်။

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)မှ ၂၀၁ရခု နှစ်၊ ဇူလိုင်လ(၁၄)ရက်နေ့၊ (၁၅းဝ၀)နာရီတွင် ကာကွယ်ရေးဝန်ကြီးဌာနရုံးသို့သွားရောက်၍ သယ်ယူပို့ဆောင်ရေးလေယာဉ် Y-8 (၅၈၂၀)ပျက်ကျမှုတွင်ပါဝင်သော အရာရှိ၊ စစ်သည်မိသားစုများ၊ လေယာဉ်ဝန်ထမ်းများနှင့် ကျန်ရစ်သူမိသားစုများအား ထောက်ပံ့အကူအညီပေးနိုင်ရန်အတွက် အလှူငွေ-(၃၀)သိန်းကျပ်အား အသင်းဥက္ကဋ္ဌနှင့်CECများမှ လာရောက်ပေးအပ်လှူဒါန်းရာ ကာကွယ်ရေးဝန်ကြီး ဒုတိယဗိုလ်ချုပ်ကြီးစိန်ဝင်းမှ လက်ခံရယူခဲ့ပါသည်။

၁၄.၇.၂၀၇နေ့တွင် နေပြည်တော်၊ လူမှုဝန်ထမ်းဦးစီးဌာန၌ကျင်းပပြုလုပ်သော မြန်မာနိုင်ငံလုံးဆိုင်ရာအမျိုးသမီးရေးရာကော်မတီ (၁/၂၀၁၇)အစည်းအဝေးသို့ MWCDF အသင်းမှ ဥက္ကဋ္ဌနှင့် CECများ တက်ရောက်ခဲ့ပါသည်။

(၁၃.၇.၂၀၁၇)နေ့တွင် MWCDFအသင်းမှ ဥက္ကဋ္ဌနှင့် CECများသည် မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ မိုးရာသီသစ်ပင်စိုက်ပျိုးပွဲသို့ တက်ရောက်ကာ အမှတ်တရသစ်ပင်များ စိုက်ပျိုးပေးခဲ့ကြပါသည်။