Myanmar

MWCDFအသင်းမှ ဦးစီး၍တန်ဖိုးသင့် အာဟာရလှူဒါန်းမှုအစီအစဉ် ယနေ့ ၁၂.၆.၂၀၁ရနေ့တွင် MWCDFအသင်းဥက္ကဋ္ဌနှင့် CECများလိုက်ပါ၍ အလှူရှင်များဖြစ်ကြသော MWCDFအသင်း အမှုဆောင်အဖွဲ့ဝင်ဖြစ်သူ ဦးတင့်လွင်+ဒေါ်စန်းစန်းမြင့် မိသားစုမှ နေပြည်တော်၊ ဥတ္တရသီရိမြို့နယ်၊ ကုတင်(၁၀၀)ဆံ့ သားဖွားမီးယပ်ရောဂါအထူးကုဆေးရုံကြီးတွင် တက်ရောက်ကုသနေသော အမျိုးသမီးလူနာ(၈၀)ဦးအား- နံနက်စာ     – ကွေကာအုပ် နေ့လည်စာ – ထမင်း၊ ကြက်သားကြော်၊ ဟင်းချို ညနေစာ     – ကြက်သားဆန်ပြုတ် စသည့် တန်ဖိုးသင့်အာဟာရအား ကိုယ်တိုင်ကိုယ်ကျ ကျွေမွေးလှူဒါန်းခဲ့ပါသည်။

MWCDFအသင်းမှ ဦးစီး၍တန်ဖိုးသင့် အာဟာရလှူဒါန်းမှု အစီအစဉ် ၁၁.၆.၂၀၁ရနေ့တွင် MWCDFအသင်းမှ CECဖြစ်သူ ဒေါ်အေးအေးခိုင်နှင့်မိသားစုမှ ကွယ်လွန်သူ ဖခင်ကြီး ဦးတင်ဌေးအားရည်စူး၍ (၉)နှစ်ပြည့်အလှူအဖြစ် နေပြည်တော်၊ ဥတ္တရသီရိမြို့နယ်၊ ကုတင်(၁၀၀)ဆံ့သားဖွားမီးယပ်ရောဂါအထူးကုဆေးရုံကြီးတွင် တက်ရောက်ကုသနေသော သားဖွားမိခင် (၈၀)ဦးအား- နံနက်စာ     – ကွေကာအုပ် နေ့လည်စာ – ထမင်း၊ ကြက်သားကြော်၊ ငါးကြော်၊ ဟင်းချို ညနေစာ     – ကြက်သားဆန်ပြုတ် စသည့် တန်ဖိုးသင့်အာဟာရကျွေးမွေးလှူဒါန်းခဲ့ပါသည်။

၁၀.၆.၂၀၁ရနေ့တွင် MWCDFအသင်းမှ ဥက္ကဋ္ဌ၊ အတွင်းရေးမှူးနှင့် CECများ သည် နေပြည်တော်၊ ဥတ္တရသီရိမြို့နယ်၊ ကုတင်(၁၀၀)ဆံ့ သားဖွားမီးယပ်ရောဂါအထူးကုဆေးရုံကြီးသို့ သွားရောက်၍ဆေးရုံတွင် တက်ရောက်ကုသနေသော သားဖွားမိခင်များအား တစ်နေ့လျှင် အာဟာရ(၃)ကြိမ်ကျွေးမွေးရန် ကုန်ကျငွေ(၁)သိန်းကျပ်နှုန်းဖြင့် (၅)ရက်စာ အလှူငွေ(၅)သိန်းကျပ် အား လှူဒါန်းခြင်း နှင့်အာဟာရ ချက်ပြုတ်ပြင်ဆင်ကျွေးမွေးရာတွင် လိုအပ်သောမီးဖိုချောင်သုံးပစ္စည်းများအား ဒု-ဆေးရုံ အုပ်ကြီးထံ ပေးအပ်လှူဒါန်းခဲ့ပါသည်။

၁.၆.၂၀၁ရနေ့တွင် MWCDFအသင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့်CECများသည် မြန်မာနိုင်ငံမိခင်နှင့်ကလေးစောင့်ရှောက်ရေးအသင်းမှ ကျင်းပပြုလုပ်သော လုပ်ငန်းညှိနှိုင်းပွဲနှင့် နှစ်ပတ်လည်အစည်းအဝေးဖွင့်ပွဲ အခမ်းအနားသို့ တက်ရောက်ခဲ့ကြပါသည်။

၂၉.၅.၂၀၁၇နေ့တွင် MWCDFအသင်းမှ ဒုတိယဥက္ကဋ္ဌနှင့် အတွင်းရေးမှူးသည် မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ (၂၇)ကြိမ်မြောက်နှစ်ပတ်လည်အစည်းအဝေး အလှူငွေပေးအပ်ပွဲအခမ်းအနားသို့ တက်ရောက်၍ အလှူငွေ(၁၀)သိန်းကျပ်ပေးအပ် လှူဒါန်းခဲ့ပါသည်။

၂၄.၅.၂၀၁၇နေ့တွင် MWCDFအသင်းမှ ဥက္ကဋ္ဌနှင့်CEC များသည် မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၊ မေတ္တာစမ်းရေဆေးခန်းသို့သွားရောက်၍ ကိုယ်ဝန်ဆောင်မိခင်(၇၀)ဦးအား အာဟာရဖြည့်စွက် အစားအစာများ၊ ကလေးအနှီးပိတ်စများ ပေးအပ်လှူဒါန်းခဲ့ပြီး ကိုယ်ဝန်ဆောင်မိခင်များအား အားပေးစကားများပြောကြားခဲ့ပါသည်။