Myanmar

၂၃.၆.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် အလုပ်အမှုဆောင်များသည် ဒက္ခိဏသီရိမြို့နယ်၊ ကျောက်မျက်ပြကွင်းတွင် ပြောင်းရွှေ့ဖွင့်လှစ်ထားသော သားဖွားမီးယပ်အထူးကု‌ဆေးရုံကြီး ယာယီဆေးရုံတွင် ဆေးဝါးကုသနေသော အမျိုးသမီးလူနာများနှင့် မီးဖွားမိခင်များ နေ့လည်စာအာဟာရအတွက် ထမင်း၊ ကြက်သားဟင်း၊ ချဉ်ရည်ဟင်းနှင့် ခေါက်ဆွဲခြောက်ထုပ်၊ ကော်ဖီမစ်ထုပ်၊ ဘီစကစ်မုန့်တို့ကိုလည်း လက်ရောက်ပေးဝေလှူဒါန်းခဲ့ပါသည်။

၂၃.၆.၂၀၂၅ ရက်နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် အလုပ်အမှုဆောင်များစုပေါင်း၍ ငလျင်ဒဏ်ကြောင့် ဒက္ခိဏသီရိမြို့နယ်တွင် ပြောင်းရွှေ့ဖွင့်လှစ်ထားသော ကလေးအထူးကု‌ဆေးရုံကြီးယာယီဆေးရုံသို့သွားရောက်၍ ဆေးရုံအုပ်ကြီးထံ အလှူငွေနှင့် စားသောက်ကုန်များ လှူဒါန်းခဲ့ပြီးနောက် ဆေးရုံတွင် ဆေးဝါးကုသခံယူနေသော ကလေးလူနာများနှင့် ဆေးရုံဝန်ထမ်းအားလုံးအတွက် နံနက်စာ- ဆန်ပြုတ်၊ နေ့လည်စာ ထမင်း၊ ကြက်သားဟင်း၊ ပုဇွန်ခြောက်ကြော်၊ ကြက်ဥပြုတ်၊ ပဲဟင်း နှင့် ညနေစာ ထမင်းနှင့် ဟင်းတို့ကို တစ်နေ့တာအာဟာရ လှူဒါန်းခြင်း၊ ကလေးလူနာများအား ထောက်ပံ့ငွေနှင့် ခေါက်ဆွဲ‌ခြောက်ထုပ်၊ ကော်ဖီမစ်ထုပ်၊ ဘီစကစ်မုန့်ထုပ်များ လက်ရောက်ပေးဝေ

၂၂.၆.၂၀၂၅ ရက်နေ့တွင် နေပြည်တော် ပြည်သူ့ကျန်းမာရေးဦးစီးဌာနမှ ကျင်းပပြုလုပ်သော သွေးလွန်တုပ်ကွေးရောဂါ ကြိုတင်ကာကွယ်နှိမ်နင်းရေးလုပ်ငန်းများကို လူထုလှုပ်ရှားမှုအသွင်ဖြင့် (ဖုံး၊သွန်၊လဲ၊စစ်)လုပ်ငန်းများ၊ ဆေးခတ်ခြင်းလုပ်ငန်းများနှင့် သွေးလွန်တုပ်ကွေးရောဂါအကြောင်း ပညာပေးဟောပြောပွဲသို့ နေပြည်တော် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း ဥက္ကဌနှင့် ဒုဥက္ကဌတို့ တက်ရောက်ခဲ့ကြပါသည်။

၂၀.၆.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ အဖွဲ့ဝင် ၅ ဦးတို့သည် ဒေသန္တရ ပြည်သူ့ကျန်းမာရေးဦးစီးဌာနမှ ကျင်းပပြုလုပ်သော သွေးလွန်တုပ်ကွေးရောဂါ ကြိုတင်ကာကွယ်နှိမ်နင်းရေးလုပ်ငန်းများ၊ ကျောင်းကျန်းမာရေး အသိပညာပေး (ဖုံး၊ သွန်၊ လဲ၊ စစ်)လုပ်ငန်းများ၊ ဝမ်းပျက်ဝမ်းလျောခြင်း ကြိုတင်ကာကွယ်ရေးဆိုင်ရာသိကောင်းစရာအကြောင်း ကျန်းမာရေးအသိပညာပေးဟောပြောပွဲသို့ တက်ရောက်ခဲ့ပါသည်။