Myanmar Women and Children Development Foundation
ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင် နှင့် အတွင်းရေးမှူး ဒေါ်မြတ်မြတ်မိုးတို့သည် ၂၀.၁၁.၂၀၂၅ ရက်နေ့တွင် တောင်ကြီးမြို့၊ မြို့တော်ခန်းမ၌ ကျင်းပပြုလုပ်သော (၃၆)နှစ်မြောက် ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း အထိမ်းအမှတ် “ ကမ္ဘာ့ကလေးများနေ့” အခမ်းအနားကို တက်ရောက်ခဲ့ပါသည်။
နေပြည်တော် အမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင်များသည် (၁၈.၁၁.၂၀၂၅)ရက်နေ့တွင် KMA Hotel ၌ ကျင်းပပြုလုပ်သော ၂၀၂၅ခုနှစ် နိုဝင်ဘာလ(၂၀) ရက်နေ့တွင်ကျရောက်မည့် ကမ္ဘာ့ကလေးများနေ့ အထိမ်းအမှတ်အကြိုလှုပ်ရှားမှု အခမ်းအနားကို တက်ရောက်ခဲ့ပါသည်။
မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဗဟိုအလုပ်အမှုဆောင် ဒေါက်တာမွန်မွန်ထက် မိသားစု က (၁၉.၁၁.၂၀၂၅)ရက်တွင် ကုတင် (၁၀၀၀) ပြည်သူ့ဆေးရုံးကြီးတွင် လိုအပ်နေသောဆေးဝါးများဝယ်ယူနိုင်ရန်အတွက် (၁၅)သိန်းကျပ်လှူဒါန်းပေးမှုအား MWCDF အသင်းမှ မှတ်တမ်းတင်အပ်ပါသည်။
မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ နှင့် ဗဟိုအလုပ်အမှုဆောင်များသည် ၁၇.၁၁.၂၀၂၅ ရက်နေ့တွင် ဥတ္တရသီရိမြို့နယ်၊ ခုတင်-၅၀၀ ဆံ့ သားဖွားမီးယပ်အထူးကုဆေးရုံကြီးသို့ သွားရောက်၍ ဆေးရုံတက်ရောက်နေသော အမျိုးသမီးလူနာများ၊ လူနာစောင့်များ နေ့လည်စာအာဟာရအတွက် ထမင်း၊ ကြက်သာဟင်း၊ အချဉ်ရည်ဟင်းတို့ကို လက်ရောက်ပေးဝေ လှူဒါန်းခဲ့ကြပါသည်။
နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ နှင့် အလုပ်အမှုဆောင်များသည် ၁၆.၁၁.၂၀၂၅ ရက်နေ့တွင် တပ်မတော်သားဖွားမီးယပ်ကလေးအထူးကုဆေးရုံ ခုတင် ၃၀၀ တွင် ဆေးဝါးကုသမှုခံယူနေသော အသင်းအဖွဲ့ဝင်တစ်ဦးအား ထောက်ပံ့ငွေအဖြစ် ၁၀၀,၀၀၀/-ကျပ် ပေးအပ်ခဲ့ပါသည်။
ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် လုပ်အမှုဆောင်များသည် ၁၆.၁၁.၂၀၂၅ ရက်နေ့တွင် ဆိပ်ကမ်းသာလမ်းရှိ MWCDF ရုံးချုပ်၌ သံဃာတော်(၃)ပါးပင့်ဖိတ်၍ အန္တရာယ်ကင်းပရိတ်တရားတော်များနာယူခြင်း၊ သင်္ကန်းများဆက်ကပ်လှူဒါန်းခြင်း၊ နဝကမ္မဝတ္ထုငွေများ ဆက်ကပ်လှူဒါန်းခြင်းများပြုလုပ်ကာ ရေစက်ချအမျှပေးဝေခဲ့ကြပါသည်။ စုစုပေါင်းလှူဒါန်းမှုငွေ ၆၀၀,၀၀၀/-ကျပ် ဖြစ်ပါသည်။
