Myanmar

၂၅.၂.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည်  ပဲခူးတိုင်း လူမှု၀န်တမ်းဦးစီးဌာနရှိ မူလတန်းကြိုကျောင်း (၁)၊  လိပ်ပြာကန်နား၊ သနပ်ပင်လမ်းမကြီးဘေးကျောင်းရှိ ကျောင်းသား/သူ ၁၀၆ ဦးအား သင်ထောက်ကူပစ္စည်းများ၊ ကစားစရာများ  ပေးအပ်ခဲ့ကြပါသည်။ စုစုပေါင်းလှူဒါန်းငွေ (၁၅၀,၀၀၀)ကျပ် ဖြစ်ပါသည်။

၂၁.၂.၂၀၂၅ ရက်နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ ဒုဥက္ကဋ္ဌ၊ အတွင်းရေးမှူး နှင့် ဗဟိုအလုပ်အမှုဆောင် များသည် ဇေယျာသီရိမြို့နယ်၊ ရွှေကြာပျိုးခင်း အမှတ်(၁)ဘုန်းတော်ကြီးသင်ပညာရေးအလယ်တန်းကျောင်းရှိ သံဃာတော်များ၊ ရှင်သာမဏေများနှင့် ကျောင်းသား/သူများအတွက် လက်ထောက်ဆရာတော်ထံ နဝကမ္မဝတ္ထူငွေ-(၃၀၀,၀၀၀)ကျပ်နှင့် သင်္ကန်းခြင်း၊ သမ္ဗာဓမုတ္တဂုဏ်တော်ဝန္ဒနာ ဘုရားစာအုပ်များ၊ ရှူလိမ်းဆေးများ၊ သွားတိုက်ဆေးများ၊ ဆန်၊ ဆီ အစရှိသည့် စားသောက်ကုန်များ၊ အသင်းဗလာစာအုပ်၊ ခဲတံများနှင့် အသင်းပြက္ခဒိန်များ လှူဒါန်းခဲ့ပါသည်။ စုစုပေါင်းလှူဒါန်းမှုပစ္စည်းတန်ဖိုးငွေ(၉၃၀,၀၀၀) ကျပ်ဖြစ်ပါသည်။