Myanmar Women and Children Development Foundation
နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင်များသည် ၉.၁၂.၂၀၂၅ ရက်နေ့တွင် နေပြည်တော်၊ ပျဉ်းမနားမြို့၊ မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင်ကျင်းပပြုလုပ်သော ၂၀၂၅ ခုနှစ်၊ အမျိုးသမီးများအပေါ်အကြမ်းဖက်မှုပပျောက်ရေး (၁၆)ရက်တာလှုပ်ရှားမှုအခမ်းအနားသို့ တက်ရောက်ခဲ့ပါသည်။
ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ၉.၁၂.၂၀၂၅ ရက်နေ့တွင် မြစ်ကြီးနားမြို့၊ တိုင်းရင်းဆေးရုံမှ ဆရာ/ဆရာမများနှင့်ပူးပေါင်းပြီး အောင်ဇေရန်အောင် ဘိုးဘွားရိပ်သာသို့သွားရောက်၍ အဖိုး ၁၂ ဦးနှင့် အဖွား ၂၄ ဦးတို့အား ကျန်းမာရေးစောင့်ရှောက်မှုများ ပြုလုပ်ဆောင်ရွက်ခဲ့ပါသည်။
ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်ဝတ်ရည်နှင့် အဖွဲ့ဝင်များစုပေါင်း၍ ၈.၁၂.၂၀၂၅ ရက်နေ့တွင် ပဲခူးမြို့၊ ရွှေမော်ဓောဘုရားလမ်း၊ ဗုဒ္ဓအသံဓမ္မဗိမာန်တော်ကြီးတွင် ပဲခူးမြို့၊ ပရိယတ္တိသဒ္ဓမ္မရက္ခိတအသင်းကြီး၏ ၃၉ ကြိမ်မြောက် သာသနာလက်ာရအကျော်စာမေးပွဲအောင်ဘွဲ့ လက်မှတ်ဆက်ကပ်လှူဒါန်းပူဇော်ပွဲအခမ်းအနားတွင် တိုင်းဒေသကြီး ပြည်နယ်အသီးသီးနှင့် ပြည်ပနိုင်ငံတို့မှ ရဟန်းသာမဏေသီလရှင် ၂၈၅၇ ပါး ကြွရောက်ဖြေဆိုကြရာ စာဖြေရက်များတွင် အာရုဏ်ဆွမ်း၊ နေ့ဆွမ်း၊ အချိုပွဲများ၊ အအေးများနှင့် ဝတ္ထုငွေ ၂၀၀,၀၀၀ ကျပ် ဆက်ကပ်လှူဒါန်းခဲ့ကြပါသည်။
ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင် ၈ ဦးသည် ၈.၁၂.၂၀၂၅ ရက်နေ့တွင် မြစ်ကြီးနားမြို့၊ အားကာခန်းမတွင်ကျင်းပပြုလုပ်သော အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာလှုပ်ရှားမှုအထိမ်းအမှတ်အခမ်းအနားသို့ တက်ရောက်ခဲ့ပါသည်။
တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင် ၆ ဦးသည် ၈.၁၂.၂၀၂၅ ရက်နေ့တွင် ထားဝယ်မြို့၊ အ.ထ.က (၇)ကျောင်းတွင် ကျင်းပပြုလုပ်သော စာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်အထိမ်းအမှတ် ဆုချီးမြှင့်ပွဲအခမ်းအနားကိုတက်ရောက်ပြီး ရသစာအုပ်များနှင့် အားကစားစာအုပ်များလှူဒါန်းခဲ့ကြပါသည်။
နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းနှင့် နေပြည်တော် ပြည်သူ့ကျန်းမာရေးဦးစီးဌာနတို့ပူးပေါင်း၍ ၈.၁၂.၂၀၂၅ ရက်နေ့တွင် အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာလှုပ်ရှားမှု Fitness Dance ဖြင့်ကိုယ်လက်ကြံ့ခိုင်ရေးလှုပ်ရှားမှုအတူ ပူးပေါင်းပြုလုပ်ခဲ့ကြပါသည်။
