Myanmar

၃.၁.၂၀၂၅ ရက်နေ့တွင် ပဲခူးမြို့ အခြေခံပညာကျောင်းများ၏ ပညာရေးစုံညီပွဲတော်များသို့ ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များတက်ရောက်ခဲ့ကြပြီး ဆုများလည်းချီးမြှင့်ပေးခဲ့ပါသည်။ ထို့နောက်BBS ကိုယ်ပိုင်ကျောင်းတွင် ကျင်းပသော ပညာရေးစုံညီပွဲတော်တွင် စာအုပ်စာရေးကိရိယာနှင့် သင်ထောက်ကူ ပစ္စည်းများပေးအပ်ခဲ့ပြီး ငွေကျပ်(၃)သိန်းကို ဆုရကျောင်းသား ကျောင်းသူများအား ဆုချီးမြှင့်ခဲ့ပါသည်။

၂.၁.၂၀၂၅ ရက်နေ့တွင် ဥတ္တရသီရိမြို့၊ အမှတ်( ၁၂ )အခြေခံပညာအထက်တန်းကျောင်း၊ ပညာရတနာခန်းမ၌ ကျင်းပပြုလုပ်သော ပညာရေးစုံညီပွဲတော်နှင့် ပညာရည်ချွန်ဆုပေးပွဲအခမ်းအနားကို မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် ဗဟိုအလုပ်အမှုဆောင်များ တက်ရောက်ခဲ့ပါသည်။ အခမ်းအနားတွင် အတွင်းရေးမှူး ဒေါ်မေမြင့်မောင်က ၂၀၂၄-၂၀၂၅ ပညာသင်နှစ်၊ ဥတ္တရသီရိမြို့နယ်အဆင့် အင်္ဂလိပ်စာ၊ သင်္ချာ (EM)စွမ်းရည်ပြိုင်ပွဲ ဆုရရှိသူများအား ဆုချီးမြှင့်ပေးအပ်ခဲ့ပါသည်။