Myanmar

(၂.၁၂.၂၀၂၄)ရက်နေ့တွင် ကချင်ပြည်နယ်၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် (၅)ဦးသည် ကချင်ပြည်နယ်၊ အမျိုးသမီးကော်မတီမှကျင်းပပြုလုပ်သော ၂၀၂၄ ခုနှစ်၊ အမျိုးသမီးများအပေါ်အကြမ်းဖက်မှုပပျောက်ရေးနေ့ (၁၆)ရက်တာလှုပ်ရှားမှု အထိမ်းအမှတ်အခမ်းအနားကို တက်ရောက်ခဲ့ပြီး ဖျော်ဖြေရေးဆောင်ရွက်ခဲ့သော အဖွဲ့(၃)ဖွဲ့အား အဖွဲ့တစ်ဖွဲ့လျှင် (၅၀၀၀၀)ကျပ်ဖြင့် စုစုပေါင်း (၁၅၀၀၀၀)ကျပ် ဆုချီးမြှင့်ခဲ့ပါသည်။

(၂.၁၂.၂၀၂၄)ရက်နေ့တွင် ရှမ်းပြည်နယ်(တောင်ပိုင်း)၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အလုပ်အမှုဆောင် (၅)ဦးသည် ရှမ်းပြည်နယ်၊ တောင်ကြီးမြို့၊ မြို့တော်ခန်းမ၌ ပြည်နယ်ပြည်သူ့ကျန်းမာရေးနှင့်ကုသရေးဦးစီးဌာနက ကျင်းပပြုလုပ်သော ၂၀၂၄ ခုနှစ် ကမ္ဘာ့ခုခံအားကျဆင်းမှု ကူးစက်ရောဂါတိုက်ဖျက်ရေးနေ့အထိမ်းအမှတ်( “AIDS ကင်းဝေးဖို့၊ သာတူညီမျှအလေးပေးလို့၊ အားလုံးဝိုင်းဝန်းပံ့ပိုးစို့” “Take the Right Path” )အခမ်းအနားကို တက်ရောက်ခဲ့ပါသည်။