မသန်စွမ်းညီအစ်မ(၂)အား ကူညီလှူဒါန်းခြင်း

(၇.၁၂.၂၀၁၇)နေ့တွင် MWCDFအသင်းမှ ဒုဥက္ကဋ္ဌ၊ အတွင်းရေးမှူးနှင့်CECများသည် နေပြည်တော်၊ ဥတ္တရသီရိမြို့နယ်၊ မအူလေးပင်ကျေးရွာ မသန်စွမ်းညီအစ်မ(၂)ဦး နေအိမ်သို့သွားရောက်၍ အသင်းမှ ခြုံစောင်၊ အနွေးထည်၊ ပြက္ခဒိန်နှင့် အလှူရှင်CECများမှ အလှူငွေ-(၅၀,၀၀၀)ကျပ်၊ လုံခြည်၊ ပေါင်မုန့်၊ ခေါက်ဆွဲခြောက်ဖါတို့အားပေးအပ်၍ ကျန်းမာရေးအခြေအနေအား မေးမြန်းခဲ့ပါသည်။
ဆက်လက်၍ ဒုဥက္ကဋ္ဌနှင့်အဖွဲ့ဝင်များသည် မအူလေးပင်စာကြည့်တိုက်သို့ရောက်ရှိ၍ ကျေးရွာ MWCDFအဖွဲ့ဝင်များနှင့်တွေ့ဆုံကာ အသင်းပြက္ခဒိန်များပေးအပ်ခဲ့ပြီး လုပ်ဆောင်နေသော ကိစ္စများအားမေးမြန်းကာ တွေ့ဆုံဆွေးနွေးခဲ့ပါသည်။