သားဖွားမီးယပ်အထူးကုဆေးရုံကြီးတွင် အာဟာရကျွေးမွေးလှူဒါန်းမှု

(၁၄.၁၂.၂၀၁၇)နေ့တွင် MWCDFအသင်းမှ အတွင်းရေးမှူး၊ CECနှင့်အဖွဲ့ဝင်တို့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့သွားရောက်၍ အသစ်ပြောင်းရွှေ့ရောက်ရှိလာသော ဆေးရုံအုပ်ကြီး ဒေါက်တာဇော်လင်း၏ ဖိတ်ကြားချက်အရ သွားရောက်တွေ့ဆုံဆွေးနွေးခဲ့ကြပါသည်။ ဆက်လက်၍ အတွင်းရေးမှူးနှင့်CECအဖွဲ့ဝင်တို့သည် အသင်းစတင်တည်ထောင်ခဲ့သော ၂၀၁၃ခုနှစ်၊ မေလ(၁၄)ရက်နေ့သည် အသင်းမွေးနေ့ဖြစ်သည့်အတွက် ဒီဇင်ဘာ(၁၄)ရက်နေ့ အသင်းတည်ထောင်ခဲ့သည့်ရက်အထိမ်းအမှတ်အနေဖြင့် ဆေးရုံတွင် တက်ရောက်ကုသနေသောလူနာများအား နံနက်စာ-ကိတ်ခြောက်မုန့်၊ နေ့လည်စာ-ထမင်း၊ ကြက်သားကြော်၊ ခရမ်းချဉ်သီးငါးပိချက်၊ ပဲနီလေးဟင်းချိုတို့ဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။