မြန်မာအမျိုးသမီးများနေ့အား ဂုဏ်ပြုသောအားဖြင့် အခမ်းအနားတွင် “ မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း (MWCDF) ပဲခူးမှ အလှူငွေပေးအပ်လှူဒါန်းခြင်း

ဇူလိုင်လ(၃)ရက်နေ့၊ နံနက်(၉)နာရီအချိန်တွင် ပဲခူးမြို့၊ မြို့တော်ခန်းမတွင် တိုင်းလူမှုဝန်ထမ်းဌာနနှင့် မြန်မာနိုင်ငံလုံးဆိုင်ရာ အမျိုးသမီးကော်မတီတို့မှ ပူးပေါင်းကျင်းပသော “မြန်မာအမျိုးသမီးများနေ့” အခမ်းအနားတွင် မိတ်ဘက်အဖွဲ့အစည်းများနှင့်အတူ မြန်မာနိုင်ငံ အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း၊ ပဲခူးတိုင်းဒေသကြီး ဥက္ကဋ္ဌ ဒေါ်သီတာတင်ထွဋ်နှင့်အဖွဲ့ဝင်များတက်ရောက်ခဲ့ပြီး “ မြန်မာအမျိုးသမီးများနေ့” ကို ဂုဏ်ပြုသောအားဖြင့် အလှူငွေကျပ်(၃)သိန်းအား ပဲခူးတိုင်းဒေသကြီး အမျိုးသမီးကော်မတီဥက္ကဋ္ဌ၊ စည်ပင်သာယာရေးနှင့်လူမှုရေးဝန်ကြီး ဒေါ်ညွန့်ညွန့်ဌေးထံ ပေးအပ်လှူဒါန်းခဲ့ပါသည်။