မအူလေးပင်ကျေးရွာသို့ သွားရောက်လှူဒါန်းခြင်း

(၁၈.၇.၂၀၁၈)နေ့တွင် MWCDFအသင်းမှ CEC ဒေါ်အေးအေးခိုင်နှင့် ရုံးအဖွဲ့၊ ကျေးရွာအသင်း အဖွဲ့ဝင်များသည် နေပြည်တော်၊ ဥတ္တရသီရိမြို့နယ်၊ မင်းကုန်းအုပ်စု၊ မအူလေးပင်ကျေးရွာ အလယ်တန်းကျောင်းသို့ သွားရောက်၍ အလှူရှင် ဦးသန့်စင်+ ဒေါ်အေးအေးခိုင်(မိသားစု)မှ သားဖြစ်သူ မောင်ဇွဲဇာနည်မင်းသန့်စင်(ခ) John Walter (၁၂)ပြည့်မွေးနေ့အလှူ ဆရာ/ဆရာမများနှင့် ကျောင်းသား/သူ(၃၈၂)အား သာကူကျို တိုက်ကျွေးကုသိုလ်ပြုခဲ့ကြပါသည်။
ဆက်လက်၍ ဒုဥက္ကဋ္ဌနှင့် အဖွဲ့ဝင်များသည် ကျေးရွာစာကြည့်တိုက်သို့ သွားရောက်၍ စာကြည့်တိုက်တွင် ကျောင်းသား/သူများအား ပညာပေးဇာတ်လမ်းများ ဖွင့်လှစ်ပြသနိုင်ရန်အတွက် MWCDFအသင်းမှ 21″ SAKURA TV တစ်လုံး လှူဒါန်းခြင်း နှင့် အလှူရှင်ဒေါ်အေးအေးခိုင် (မိသားစု)မှ DVDစက်တစ်လုံး၊ ပညာပေး ကာတွန်းအခွေများအား ကျေးရွာ အသင်းအဖွဲ့ဝင်များထံ ပေးအပ်လှူဒါန်းခဲ့ပြီး ကျောင်းပိတ်ရက်များတွင် ရွာမှ ကျောင်းသူ/သားများအား ပြသနိုင်ရန်အတွက် စီစဉ်ဆောင်ရွက်ခဲ့ပြီး အသင်းအဖွဲ့ဝင်များအတွက်အလှူရှင် ဦးတင့်ဦးလွင်+ဒေါ်မေမြင့်မောင်(မိသားစု)မှ ဘုရားဆင်းတုတော် (၉)ဆူအား အသင်းအဖွဲ့ဝင်များထံ ပေးအပ် လှူဒါန်းခဲ့ပါသည်။