ကျွန်းစုမြို့နယ်၊ ထိန်ချောင်းကျေးရွာရှိ အောင်တော်မူကျောင်းတိုက်နှင့် ကမ်းနားဆိပ်ရှိ သံသရာအေးကျောင်း သို့ သွားရောက်လှူဒါန်းခြင်း

(၁၀.၁၁.၂၀၁၈)နေ့တွင် MWCDF အသင်းမှ ဒုဥက္ကဌနှင့် CEC အဖွဲ့ဝင်များသည် ကျွန်းစုမြို့နယ်၊ ထိန်ချောင်းကျေးရွာရှိ အောင်တော်မူကျောင်းတိုက်သို့ သွားရောက်၍ ကျောင်းထိုင်ဆရာတော်ထံ အသင်းမှ ဝတ္ထုငွေ(၃)သိန်းကျပ်၊ အလှူရှင် CEC များမှ ဝတ္ထုငွေ-(၆၀,၀၀၀)ကျပ်၊ သင်္ကန်းခြင်း(၂)ခြင်း၊ ဆိုလာမီးအိမ်(၅)လုံးအား သွားရောက်လှူဒါန်း၍ ဆရာတော်ထံမှ တရားတော်များ နာကြားခဲ့ပါသည်။
ထို့နောက် ကျောင်းတွင် ကျောင်းသား/သူကလေးများအား ယဉ်ကျေးလိမ္မာသင်ကြားနိုင်ရန် ဗလာစာအုပ်(၂၀)ဒါဇင်အား ထိန်ချောင်းမှ ဆရာမများထံ ပေးအပ်လှူဒါန်းခဲ့ပါသည်။
ဆက်လက်၍ MWCDF အသင်းမှ ဒုဥက္ကဋ္ဌနှင့် CEC များသည် ကျွန်းစုမြို့နယ်၊ ကမ်းနားဆိပ်ရှိ သံသရာအေးကျောင်းသို့ သွားရောက်၍ ဆရာတော်ထံ အသင်းမှ ဝတ္ထုငွေ(၁၀)သိန်းကျပ် လှူဒါန်းခဲ့ပါသည်။