(၉.၂.၂၀၁၉)နေ့တွင် MWCDF အသင်းမှ တွဲဘက်အတွင်းရေးမှူး နှင့် CEC အဖွဲ့ဝင်များသည် ဖေဖော်ဝါရီလ(၁၃)ရက်-“ မြန်မာနိုင်ငံကလေးများနေ့” အား ကြိုဆိုဂုဏ်ပြုသောအားဖြင့် နေပြည်တော်၊ ဥတ္တရသီရိမြို့နယ်၊ ရတနာစံပြ(ဘ.က)သို့သွားရောက်၍ “ မြန်မာနိုင်ငံကလေးများနေ့” အထိမ်းအမှတ် အခမ်းအနားအား ကျောင်းရှိ ကျောင်းသား/သူ(၃၂၀)ဦး၊ ဆရာ၊ ဆရာမ(၉)ဦးတို့နှင့် ကျင်းပပြုလုပ်ခဲ့ပါသည်။
အခမ်းအနားတွင်-
* ရတနာစံပြ(ဘ.က)ကျောင်း ကျောင်းထိုင်ဆရာတော်မှ အမှာစကားမိန့်ကြားခြင်း၊
* MWCDF အသင်း CEC ဒေါက်တာနန္ဒာမွှန်းမှ “ မြန်မာနိုင်ငံကလေးများနေ့ “ နှင့်ပတ်သက်၍ သိကောင်းစရာများ ဟောပြောဆွေးနွေးခြင်း၊
*ကျောင်းသား/သူများအား မြန်မာနိုင်ငံကလေးများနေ့၊ ပြည်သူ့နီတိများနှင့် ပတ်သက်သော ဗဟုသုတမေးခွန်းများအား အသင်း CEC များ မှမေးမြန်းခြင်းနှင့် ဖြေဆိုနိုင်သူများအား အရုပ်မျိုးစုံ၊ ထီး၊ စာရေးကိရိယာများ၊ အသုံးအဆောင်ပစ္စည်းများ ဆုချီးမြှင့်ပေးခဲ့ပြီး ကျောင်းသား/သူကလေးများအား အာဟာရ အဖြစ် ခေါက်ဆွဲကြော်များ ကျွေးမွေးလှူဒါန်းခဲ့ပါသည်။
ထို့နောက် ကျောင်းထိုင်ဆရာတော်ထံ အလှူငွေနှင့် လှူဖွယ်ပစ္စည်းများဆက်ကပ်လှူဒါန်းခဲ့ပါသည်။
