ပဲခူးတိုင်း MWCDF မှ မိတ်ဖက်အဖွဲ့အစည်းများနှင့်ပူးပေါင်း၍ ပါဝင်ဟောပြောခြင်း

(၂၁.၃.၂၀၁၉)နေ့တွင် ပဲခူးတိုင်း၊ ပဲခူးမြို့၌ ပဲခူးတိုင်းဒေသကြီး၊ အားကစားနှင့် ကာယပညာဦးစီးဌာန၊ မြတ်သုခဆေးဆိုင်နှင့် MEGA ဆေးကုမ္ပဏီတို့မှ ပူးပေါင်းကျင်းပသော “ကျန်းမာရေး ဟောပြောပွဲနှင့် ကိုယ်လက်လှုပ်ရှားအားကစား စုပေါင်းပြိုင်ပွဲ” တွင် ပဲခူးတိုင်း MWCDF ဥက္ကဋ္ဌနှင့်အဖွဲ့ဝင်များမှ ပူးပေါင်းပါဝင်ခဲ့ပါသည်။ အခမ်းအနားတွင် ကရင်တိုင်းရင်းသား လူမျိုးရေးရာဝန်ကြီး၊ နော်ပွယ်စေးက အဖွင့်အမှာစကားပြောကြားခြင်း၊ ပဲခူးတိုင်း MWCDF အသင်းဥက္ကဋ္ဌမှ “အမျိုးသမီးများ ကာယစွမ်းအားမြင့်မားစေဖို့ ဉာဏစွမ်းအား ကျန်းမာရေးအသိပညာတိုးစေဖို့” ခေါင်းစဉ်ဖြင့် ဟောပြောခြင်း၊ ပဲခူးတိုင်းဆေးရုံအုပ်ကြီး ဒေါက်တာရန်နိုင်မောင်မှ ကျန်းမာရေးအသိပညာပေးဟောပြောခြင်း၊ MEGA မှ ဒေါက်တာခင်မျိုးထွဋ်က ရင်သားကင်ဆာ၊ သားအိမ်ခေါင်းကင်ဆာရောဂါများအကြောင်း အသိပညာပေး ဟောပြောခဲ့့ပါသည်။