(၄.၇.၂၀၂၃)ရက်နေ့တွင် ပြန်ကြားရေးဝန်ကြီးဌာနက ဥတ္တရခရိုင်၊ အခြေခံပညာဦးစီးဌာန အ.ထ.က(၁၂)ကျောင်းစာကြည့်တိုက်သို့ စာအုပ်စာစောင်များ လှူဒါန်းခြင်းအခမ်းအနားကို ပြန်ကြားရေးဝန်ကြီးဌာန ပြည်ထောင်စုဝန်ကြီးနှင့် ဌာနဆိုင်ရာတာဝန်ရှိသူများ၊ မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း(MWCDF)မှ ဒုဥက္ကဌ(၂)ဦး၊ အတွင်းရေးမှူး၊ ဗဟိုအလုပ်အမှုဆောင်များနှင့် တိုင်းအဖွဲ့ဝင်များ၊ ဆရာ/မများနှင့် ကျောင်းသား/သူများ တက်ရောက်ကြပါသည်။
အခမ်းအနားတွင်-
- ပညာရေးနှင့်ပတ်သက်သည့် Video Clip ပြသခြင်း၊ မိုခါမုန်တိုင်းနှင့်ပတ်သက်သည့် မှတ်တမ်း Video Clip ပြသခြင်းနှင့်
- ပြန်ကြားရေးဝန်ကြီးဌာန ပြည်ထောင်စုဝန်ကြီးက အဖွင့်အမှာစကား ပြောကြားခဲ့ပါသည်။
- ဆက်လက်၍ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ ဒုတိယဥက္ကဌက စာကြည့်တိုက်သို့ စာအုပ်လှူဒါန်းရခြင်းအကြောင်းအား ရှင်းလင်း ပြောကြားခဲ့ပါသည်။
- ၎င်းနောက် ပြန်ကြားရေးဝန်ကြီးဌာန ပြည်ထောင်စုဝန်ကြီးက ကျောင်းစာကြည့်တိုက်အတွက် စာအုပ်စာစောင်များ ပေးအပ်လှူဒါန်းခဲ့ပါသည်။
- ထို့နောက် အ.ထ.က(၁၂) ကျောင်းသား/သူကလေးများက ဇာတိမာန်သီချင်းဖြင့် ကပြဖျော်ဖြေခြင်းနှင့် ကျောင်းအုပ်ဆရာမကြီးက ကျေးဇူးတင်စကားပြောကြားပြီး တက်ရောက်လာကြသော ဧည်သည့်တော်များနှင့် မှတ်တမ်းတင် ဓါတ်ပုံရိုက်ကူးခဲ့ကြပါသည်။
အ.ထ.က(၁၂)ကျောင်းစာကြည့်တိုက်သို့ စာအုပ်စာစောင်များ လှူဒါန်းခြင်းအခမ်းအနား
