Myanmar Women and Children Development Foundation
ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ၃.၁.၂၀၂၆ ရက်နေ့တွင် ပုသိမ်မြို့၊ ဧရာရွှေဝါခန်းမ၌ကျင်းပပြုလုပ်သော (၇၈)နှစ်မြောက် လွတ်လပ်ရေးနေ့အထိမ်းအမှတ် ကလေးပြိုင်ပွဲ၊ စံပြမိခင်ပြိုင်ပွဲ ဆုချီးမြှင့်ခြင်းအခမ်းအနားသို့ တက်ရောက်ခဲ့ပါသည်။
တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် ၄ ဦးတို့ သည် ၁.၁.၂၀၂၆ ရက်နေ့တွင် ထားဝယ်မြို့၊ အ.ထ.က (၁)ကျောင်းနှင့် အ.မ.က(ဘုမ္မော်) ကျောင်းတို့တွင် ကျင်းပပြုလုပ်သော ၂၀၂၅-၂၀၂၆ ပညာသင်နှစ် ပညာရေးစုံညီပွဲတော်သို့တက်ရောက်၍ ဆုရရှိသူကျောင်းသား/သူများအား ဆုချီးမြှင့်ခြင်းနှင့် အလှူငွေ ၃၀,၀၀၀ ကျပ်စီ လှူဒါန်းခဲ့ကြပါသည်။
နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် ၅ ဦးတို့သည် ၁.၁.၂၀၂၆ ရက်နေ့တွင် ပျဉ်းမနားဘိုးဘွားရိပ်သာမှာကျင်းပပြုလုပ်သော ဆွမ်းဆန်စိမ်းလောင်းလှူပွဲတွင် သံဃာတော် (၁၀၈)ပါး၊ သီလရှင် (၅၀)ပါးနှင့် အဖိုးအဖွား(၃၉)ဦးတို့အား မျက်နှာသုတ်ပဝါများ ပါဝင်လှူဒါန်းကုသိုလ်ပြုခဲ့ကြပါသည်။
တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် ၅ ဦးတို့သည် ၁.၁.၂၀၂၆ ရက်နေ့တွင် ထားဝယ်ဘိုးဘွားရိပ်သာရှိ အဖိုး ၃ ဦး၊ အဖွား ၁၇ ဦးတို့အတွက် အာဟာရဒါနအဖြစ် ကြက်ဥကြာဇံပြုတ်၊ လက္ဘက်ရည်နှင့် မုန့်များကျွေးမွေးလှူဒါန်းပြီး တစ်ဦးလျှင် ၅,၀၀၀ ကျပ်စီဖြင့် အဖိုးအဖွား ၂၀ ဦးအား လှူဒါန်းထောက်ပံ့ခဲ့ပါသည်။ စုစုပေါင်းလှူဒါန်းငွေ ၁၈၀,၀၀၀ ကျပ်ဖြစ်ပါသည်။
ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၃ ဦးတို့သည် ၂၉.၁၂.၂၀၂၅ ရက်နေ့တွင် ပဲခူးမြို့၊ မြို့တော်ခန်းမတွင်ကျင်းပပြုလုပ်သော ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းမြစ်ဦးစီးဌာန၊ ပဲခူးသားဖွားသင်တန်းကျောင်း ဒဿမအကြိမ်မြောက် ဘက်စုံသားဖွားဒီပလိုမာအောင်လက်မှတ်အပ်နှင်းပွဲ အခမ်းအနားကိုတက်ရောက်ခဲ့ပါသည်။
တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ၂၆.၁၂.၂၀၂၅ ရက်နေ့တွင် တနင်္သာရီတိုင်းဒေသကြီး တိုင်းရင်းသားရေးရာအဆောက်အဦသစ် ဖွင့်ပွဲအခမ်းအနားသို့တက်ရောက်ခဲ့ပါသည်။
