MWCDF

(၂၀.၁၀.၂၀၂၃)ရက်နေ့တွင် MWCDF ရုံးချုပ်မှ ဒုဥက္ကဌ သည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဦးဆောင်မှုဖြင့် နေပြည်တော်၊ မင်္ဂလာသီရိဟိုတယ်၌ကျင်းပသည့် လူမှုကာကွယ်စောင့်ရှောက်ရေး အညွှန်းကိန်းတွက်ချက်ရေး ညှိနှိုင်းအစည်းအဝေးကို တက်ရောက်ခဲ့ပါသည်။

(၁၉.၁၀.၂၀၂၃)ရက်နေ့တွင် နေပြည်တော် MWCDF အသင်း၏ (၆/၂၀၂၃)အစည်းအဝေးကို ကျင်းပပြုလုပ်ခဲ့ရာ ဥက္ကဌ၊ ဒုဥက္ကဌ၊ အတွင်းရေးမှူးနှင့် အလုပ်အမှုဆောင်များတက်ရောက်၍ စတင်ဘာလအတွင်း အသင်းလှုပ်ရှားမှုများကို ပြန်လည်ရှင်းလင်းတင်ပြခြင်းနှင့် အောက်တိုဘာလအတွက် ထောက်ပံ့လှူဒါန်းမှုများပြုလုပ်ရန်အတွက် ရှေ့လုပ်ငန်းစဉ်များအား ဆွေးနွေးဆုံးဖြတ် အတည်ပြုခဲ့ကြပါသည်။

(၁၈.၁၀.၂၀၂၃)ရက်နေ့တွင် မန္တလေးတိုင်းဒေသကြီး၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ၂၀၂၃ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေလျှော့ချရေးနေ့ အထိမ်းအမှတ်အခမ်းအနား ကို “ဘေးဒဏ်ကြံ့ကြံ့ခံနိုင်ဖို့ မညီမျှမှုတွေတိုက်ဖျက်စို့” ဆောင်ပုဒ်ဖြင့်ကျင်းပပြုလုပ်ခဲ့ရာ မန္တလေးတိုင်းဒေသကြီး MWCDF အသင်း ဥက္ကဌနှင့် အဖွဲ့ဝင်များ တက်ရောက်ခဲ့ကြပါသည်။

(၁၈.၁၀.၂၀၂၃)ရက်နေ့တွင် ပဲခူးတိုင်းဒေသကြီး၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ၂၀၂၃ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေလျှော့ချရေးနေ့ အထိမ်းအမှတ်အခမ်းအနားကို “ဘေးဒဏ်ကြံ့ကြံ့ခံနိုင်ဖို့ မညီမျှမှုတွေတိုက်ဖျက်စို့” ဆောင်ပုဒ်ဖြင့်ကျင်းပပြုလုပ်ခဲ့ရာ ပဲခူးတိုင်းဒေသကြီး MWCDF အသင်း ဥက္ကဌနှင့် အဖွဲ့ဝင်များ တက်ရောက်ခဲ့ကြပါသည်။