Myanmar Women and Children Development Foundation
၂၃.၉.၂၅ ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်အေးမွန် နှင့် အတွင်းရေးမှူး ဒေါ်ခင်စုရည် တို့သည် မွန်ပြည်နယ် အစိုးရအဖွဲ့က မော်လမြိုင်မြို့၊ ရာမညခန်းမတွင် ကျင်းပပြုလုပ်သော ၂၀၂၅-၂၀၂၆ ဘဏ္ဍာရေးနှစ်အတွက် မွန်ပြည်နယ်ရှိ စေတနာ့ဝန်ထမ်းအဖွဲ့အစည်းများသို့ ထောက်ပံ့ကြေးငွေပေးအပ်ခြင်း အခမ်းအနားသို့ တက်ရောက်ခဲ့ပါသည်။
၂၀.၉.၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဥက္ကဌ ဒေါ်ခင်စီ နှင့် အဖွဲ့ဝင် ၃ ဦးသည် မကွေးမြို့၊ တိုင်းဒေသကြီးအားကစားကွင်းတွင် ကျင်းပပြုလုပ်သော အခြေခံပညာကျောင်းပေါင်းစုံ အမျိုးသား/အမျိုးသမီး အားကစားပြိုင်ပွဲ၊ ဖွင့်ပွဲအခမ်းအနားသို့တက်ရောက်ခဲ့ပြီး ဖွင့်ပွဲ ပွဲစဉ်အနေဖြင့် မကွေးခရိုင်အသင်းနှင့် ပခုက္ကူခရိုင်အသင်းတို့ ဘောလုံးယှဉ်ပြိုင်ကစားနေမှုများကို ကြည့်ရှုအားပေးကြပါသည်။ ထို့နောက် နေပြည်တော်သို့ သွားရောက် ယှဉ်ပြိုင်မည့် မကွေးတိုင်း အေရိုးဗစ်လက်ရွေးစင်အသင်း လေ့ကျင့်နေမှုများကို သွားရောက်ကြည့်ရှု အားပေးစကားများပြောကြားခဲ့ပြီး အာဟာရအားဖြည့် အစားအသောက်များ လှူဒါန်းပေးအပ်ခဲ့ပါသည်။
၂၀.၉.၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်ဝတ်ရည် နှင့် အလုပ်အမှုဆောင် ၆ ဦးသည် ပဲခူးမြို့၊ ဖူဆယ်အားကစားကွင်းတွင် ကျင်းပပြုလုပ်သော မသန်စွမ်းကလေးငယ်များ အားကစားပြိုင်ပွဲသို့ တက်ရောက်အားပေးကြည့်ရှုခဲ့ပြီး ကလေးငယ်များအား အာဟာရဒါနအနေဖြင့် ကြက်ဆီထမင်း၊ မုန့်နှင့် အချိုရည်များ ပေးအပ်လှူဒါန်းခဲ့ပြီး ဘောလုံးပြိုင်ပွဲတွင် ပထမဆုရရှိသောအသင်းအား ငွေ ၁၀၀၀၀၀ိ/-ကျပ် ဆုချီးမြှင့် ပေးအပ်ခဲ့ပါသည်။
၂၀.၉.၂၀၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ဆွေဆွေတင့် နှင့် အဖွဲ့ဝင်များသည် ပုသိမ်မြို့၊ ပန်းဆက်ရပ်ကွက်၊ လူငယ်ပြုစုရေးစခန်းရှိ ကလေးများအား နံနက်စာ နို့ဆန်ပြုတ် အာဟာရတိုက်ကျွေးခဲ့ပြီး ကလေးများအတွက် ကျောင်းသုံးဗလာစာအုပ်နှင့် စာရေးကိရိယာများ၊ သွားတိုက်ဆေးဗူးများ၊ အဝတ်လျှော်ဆပ်ပြာမှုန့်များလှူဒါန်းခဲ့ပါသည်။ စုစုပေါင်းလှူဒါန်းငွေ ၃၆၀,၀၀၀/-ကျပ် ဖြစ်ပါသည်။
၁၉.၉.၂၀၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၂ ဦးသည် မကွေးတိုင်းဒေသကြီးအစိုးရအဖွဲ့နှင့် အစိုးရနည်းပညာ အထက်တန်းကျောင်း(မကွေး)တို့က အစိုးရနည်းပညာအထက်တန်းကျောင်း(မကွေး)တွင် ပူးပေါင်းဖွင့်လှစ်သော အခြေခံအိမ်တွင်းလျှပ်စစ်သွယ်တန်းခြင်းနှင့် အခြေခံဂဟေဆက်သင်တန်း၊ သင်တန်းဆင်းလက်မှတ်ပေးအပ်ခြင်း အခမ်းအနားသို့ တက်ရောက်ခဲ့ပါသည်။
၁၈.၉.၂၀၂၅ ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူး ဒေါ်မြတ်မြတ်မိုးသည် ရှမ်းပြည်နယ်၊ လူမှုဝန်ထမ်းဦးစီးဌာန၊ လူမှုဝန်ထမ်းရုံးတွင်ကျင်းပသော ခရိုင်အမျိုးသမီးကော်မတီအစည်းအဝေးနှင့် ခရိုင်ကလေးသူငယ် အခွင့်အရေးများဆိုင်ရာ ကော်မတီအစည်းအဝေးသို့ တက်ရောက်ဆွေးနွေးခဲ့ပါသည်။
