Myanmar Women and Children Development Foundation
(၂.၇.၂၀၂၂)နေ့တွင် ဧရာဝတီတိုင်း၊ ပုသိမ်မြို့၌ ကျင်းပပြုလုပ်သော ၂၀၂၂ ခုနှစ်၊ မြန်မာအမျိုးသမီးများ နေ့အထိမ်းအမှတ် အခမ်းအနားသို့ ဧရာဝတီတိုင်း MWCDF အသင်းမှ ဥက္ကဌ၊ အတွင်းရေးမှူးနှင့် အဖွဲ့ဝင်များ တက်ရောက်ခဲ့ပါသည်။
(၂.၇.၂၀၂၂)နေ့တွင် ရှမ်းပြည်နယ်(တောင်ပိုင်း) MWCDF အသင်း ဥက္ကဌနှင့် အဖွဲ့ဝင်များသည် မြန်မာ အမျိုးသမီးများနေ့ကို ဂုဏ်ပြုသောအားဖြင့် လွယ်ကောင်းကျေးရွာ၊ ပညာဥယျာဉ်(ဘ.က)ကျောင်းရှိ ကျောင်းသား/သူကလေးများအား ကျန်းမာရေးအသိပညာဖြင့် Healt Education ပေးခြင်း၊ မိမိကိုယ်ကို ကာကွယ်နိုင်သည့်နည်းလမ်းများ ပြောကြားအသိပညာပေးခြင်း၊ ဗလာစာအုပ်နှင့် မုန့်များ လှူဒါန်းပေးခြင်း၊ ကလေးများနှင့်ကျောင်းရှိသံဃာများအတွက် ဆေးဝါးများ လှူဒါန်းခြင်း၊ ဗီနိုင်းဖြင့် အသိပညာပေးပြီး အပြန်အလှန်မေးခွန်းများ မေးမြန်းကာ ဆုချပေးခြင်းနှင့် တစ်ကိုယ်ရည်သန့်ရှင်းရေးအတွက် လက်သဲညှပ်ခြင်းများအား စုပေါင်းလုပ်ဆောင်ခဲ့ကြပါသည်။
(၁.၇.၂၀၂၂)နေ့တွင် ရှမ်းပြည်နယ်(တောင်ပိုင်း) MWCDF အသင်း ဥက္ကဌနှင့်အဖွဲ့ဝင်များသည် တောင်ကြီးမြို့၊ အ.မ.က(၅)ကျောင်းရှိ ကျောင်းသား/သူကလေးများအား ကျောင်းသုံးစာရေးကိရိယာ များ သွားရောက်လှူဒါန်းခဲ့ပါသည်။ ထို့ပြင် မြန်မာအမျိုးသမီးများနေ့ကို ဂုဏ်ပြုသောအနေနှင့် အမျိုးသမီးနှင့်ကလေးများအပေါ်အကြမ်းဖက်မှုကို ကာကွယ်သောအားဖြင့် သက်ငယ်မုဒိမ်းကင်းစင်ရေး အားလုံးပူးပေါင်းပါဝင်ပေး ခေါင်းစဉ်ဖြင့် လက်ကမ်းစာစောင်များပေးအပ်၍ အသိပညာပေး ဟောပြော ဆွေနွေးခြင်းများ ပြုလုပ်ခဲ့ပါသည်။
(၇.၆.၂၀၂၂)နေ့တွင် မကွေးတိုင်း MWCDF အသင်းမှ ဥက္ကဌနှင့် အဖွဲ့ဝင်များသည် မကွေးမြို့၊ အ.လ.က အောင်စေတနာကျောင်းရှိ ကျောင်းသား/သူများအား ကျန်းမာရေးဌာနမှ Covid-19 ကာကွယ်ဆေးထိုးနှံ ပေးခြင်းလုပ်ငန်းတွင် ပူးပေါင်းပါဝင်ဆောင်ရွက်ခဲ့ပါသည်။
(၅.၆.၂၀၂၂)နေ့တွင် ရန်ကုန်တိုင်း MWCDF အသင်းမှ ဥက္ကဌနှင့် အဖွဲ့ဝင်တို့သည် ပုလဲမြို့သစ်၊ ဂရုဏာပရဟိတကျောင်းအတွက် ဆရာတော်ထံ နဝကမ္မဝတ္ထုငွေ၊ ဆွမ်းစရိတ်နှင့် သင်္ကန်း၊ ဆန်၊ ဆီ၊ ဆိုလာများ ဆက်ကပ်လှူဒါန်းခဲ့ပါသည်။
(၅.၆.၂၀၂၂)နေ့တွင် ရန်ကုန်တိုင်း MWCDF အသင်းမှ ဗဟို၏ လမ်းညွှန်မှုဖြင့် ပုလဲမြို့သစ်၊ ဂရုဏာပရဟိတကျောင်း၌ “မေတ္တာကမ္ဘာပျိုးထောင်ရာ” အစီအစဉ်အနေဖြင့် ကလေးနှင့်မိသားစုများ၏ ဆက်ဆံရေး ပညာပေးသင်တန်း ဖွင့်လှစ်ခဲ့ရာ သင်တန်းသူ(၄၂)ဦး တက်ရောက်ခဲ့ပါသည်။ သင်တန်းတွင် သင်တန်းသူအမျိုးသမီးငယ်များမှ ပျော်ရွှင်စွာဖြင့် မေတ္တာတရား၏ သင်္ကေတများဖြင့် သရုပ်ပြသခဲ့ကြပါသည်။ ထို့နောက် “နိုင်ငံတကာရင်သွေးငယ်များ” သီချင်းဖြင့် သင်တန်းအား အောင်မြင်စွာ ပိတ်သိမ်းခဲ့ပါသည်။
