Myanmar Women and Children Development Foundation
တနင်္သာရီတိုင်း၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှ (၂၃.၆.၂၀၂၅ မှ ၂၄.၆.၂၀၂၅) ရက်နေ့ထိကျင်းပသော လူမှုသဟဇာတနှင့်လူမှုပေါင်းစည်းရေးသင်တန်းကို တနင်္သာရီတိုင်း အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဥက္ကဋ္ဌ နှင့် အဖွဲ့ဝင်များတက်ရောက်ခဲ့ပါသည်။
၂၄.၆.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဥက္ကဌ ဦးဆောင်မှုဖြင့် အဖွဲ့ဝင်များသည် ပဲခူးတိုင်းဒေသကြီးမူးယစ်ဆေးဝါးဆန့်ကျင်ရေးအသင်း ပဲခူးခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် ပဲခူးမြို့စာပေဥယျဉ်စာကြည့်တိုက်တို့ ပူးပေါင်းပါဝင်ကျင်းပသော အပြည်ပြည်ဆိုင်ရာမူးယစ်ဆေးဝါးတိုက်ဖျက်ရေးနေ့အထိမ်းအမှတ် ဟောပြောပွဲနှင့် ဆုပေးပွဲအခမ်းအနားတွင် ဆုချီးမြှင့်ခဲ့ကြပါသည်။ ဆက်လက်၍ တိုင်းအသင်း ဥက္ကဋ္ဌနှင့် အဖွဲ့ဝင်များက အမျိုးသမီးများနှင့်ပတ်သက်၍ မူးယစ်ဆေးကာကွယ်ခြင်းက ကုသခြင်းထက်ပို၍ကောင်းမွန်သည့် စာဖတ်စကားဝိုင်းကို ဟောပြောခဲ့ကြပါသည်။
၂၄.၆.၂၀၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘ၀မြင့်တင်ရေးအသင်းမှ ဥက္ကဌနှင့် အဖွဲ့ဝင် ၂ ဦးတို့သည် မြန်မာအမျိုးသမီးများနေ့ကို ဂုဏ်ပြုသောအားဖြင့် မကွေးမြို့၊ အောင်ဇေယျာရပ်ကွက်အတွင်းရှိ မသန်စွမ်း ၃ ဦး၊ ရပ်ကွက်မှစောင့်ရှောက်ထားသော အဘိုး/အဘွား ၃ ဦး ၊ ဖခင်မဲ့ နွမ်းပါးမိခင် ၄ ဦးတို့အား တစ်ဦးလျှင် ဆန်(၂) ပြည်၊ ကြက်သွန်(၁)ပိဿာ၊ ဆား(၂) ထုပ်၊ ကြက်ဥ(၁၀)လုံးနှင့် ငွေသား ၁၀၀၀၀/-ကျပ်စီကို အိမ်တိုင်ယာရောက် သွားရောက်ထောက်ပံ့ လှူဒါန်းပေးခဲ့ပါသည်။ နွမ်းပါးစျေးသည် ၁ ဦးအားလည်း
၂၃.၆.၂၀၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များဘ၀မြင့်တင်ရေးအသင်းမှ ဥက္ကဌ နှင့် အလုပ်အမှုဆောင်များသည် မြန်မာနိုင်ငံ အမျိုးသမီးများနှင့်ကလေးသူငယ်များ ဘ၀မြင့်တင်ရေးအသင်းမှ ဥက္ကဌ၊ ဒုဥက္ကဌ၊ အတွင်းရေးမှူး၊ တွဲဖက်အတွင်းရေးမှူး၊ ဘဏ္ဍာရေးမှူး၊ တွဲဖက်ဘဏ္ဍာရေးမှူး၊ ဗဟိုအလုပ်အမှုဆောင်များနှင့် လာရောက်တွေ့ဆုံပြီး အသင်း(၂)နှစ်ပြည့် နှစ်ပတ်လည်အထိမ်းအမှတ်အဖြစ် ဂါရဝပြုလက်ဆောင်များ ပေးအပ်ခဲ့ပါသည်။
၂၃.၆.၂၀၂၅ ရက်နေ့တွင် နေ့လည် ၄:၃၀ အချိန်တွင် မြန်မာအမျိုးသမီးများနေ့ကို ဂုဏ်ပြုသောအားဖြင့် လားရှိုးမြို့နှင့် လွိုင်ကော်မြို့တို့မှ စစ်ဘေးရှောင် ရပခ၊ တိုင်းမှ တာဝန်ယူကာ မဆရ(၂)တွင် စောင့်ရှောက်ထားသည့် ကျောင်းသား ၃၅ ဦးအား မိုးရာသီတွင်လိုအပ်သော ထီး ၃၅ လက်အား ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင်နှင့် အလုပ်အမှုဆောင် ၈ ဦးတို့က သွားရောက်လှူဒါန်းကာ ဥက္ကဌမှ ကျောင်းသားကလေးများအား စိတ်ခွန်အားမြှင့်တင်စေရေးအတွက် အားပေးစကားပြောကြားခဲ့ပါသည်။
၂၃.၆.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် အလုပ်အမှုဆောင်များသည် ဒက္ခိဏသီရိမြို့နယ်၊ ကျောက်မျက်ပြကွင်းတွင် ပြောင်းရွှေ့ဖွင့်လှစ်ထားသော သားဖွားမီးယပ်အထူးကုဆေးရုံကြီး ယာယီဆေးရုံတွင် ဆေးဝါးကုသနေသော အမျိုးသမီးလူနာများနှင့် မီးဖွားမိခင်များ နေ့လည်စာအာဟာရအတွက် ထမင်း၊ ကြက်သားဟင်း၊ ချဉ်ရည်ဟင်းနှင့် ခေါက်ဆွဲခြောက်ထုပ်၊ ကော်ဖီမစ်ထုပ်၊ ဘီစကစ်မုန့်တို့ကိုလည်း လက်ရောက်ပေးဝေလှူဒါန်းခဲ့ပါသည်။
