Myanmar Women and Children Development Foundation
(၁၁.၂.၂၀၂၂)နေ့တွင် ပဲခူးတိုင်း လူမှုဝန်ထမ်းဦးစီးဌာနမှ ကျင်းပပြုလုပ်သော ဖေဖော်ဝါရီ(၁၃)ရက်နေ့ တွင် ကျရောက်မည့် မြန်မာနိုင်ငံ ကလေးများနေ့အထိမ်းအမှတ် ပျော်ပွဲရွှင်ပွဲဆုချီးမြှင့်ခြင်းအခမ်းအနား သို့ ပဲခူးတိုင်း MWCDF အသင်း အဖွဲ့ဝင်များ တက်ရောက်ပါဝင်၍ ကလေးငယ်(၉၂)ယောက်တို့အား ဆုလက်ဆောင်များ ချီးမြှင့်ပေးအပ်ခဲ့ပါသည်။
(၇.၂.၂၀၂၂)နေ့တွင် မကွေးတိုင်း MWCDF အသင်းမှ အသင်းသူများ၏ မတည်ငွေနှင့် စေတနာရှင် အလှူရှင်များ၏ လှူဒါန်းငွေများ စုပေါင်း၍ မကွေးမြို့၊ အ.လ.က အောင်စေတနာကျောင်းတွင် ရေအခက်အခဲမရှိစေရေးအတွက် ကုန်ကျငွေ-(၈၃၅,၀၀၀)ကျပ် တန်ဖိုးရှိသော အနက်ပေ ၁၈၀ /(၂ လက်မ) ရေတွင်းတစ်တွင်းကို အောင်မြင်စွာ တူးဖော်လှူဒါန်းခဲ့ပါသည်။
(၂၈.၁.၂၀၂၂)နေ့တွင် MWCDF အသင်းမှ CEC နှင့် အဖွဲ့ဝင်များသည် နေပြည်တော် အကျဉ်းထောင်သို့ သွားရောက်၍ အကျဉ်းသား/သူများအတွက် ဆေးဝါး၊ နေ့စဉ်သုံး/တစ်ကိုယ်ရည်သုံးပစ္စည်းနှင့် စားသောက်ဖွယ်ရာပစ္စည်းများ ပေးအပ်လှူဒါန်းခဲ့ပါသည်။ ထို့ပြင် အကျဉ်းသူမိခင်နှင့်အတူ ပါရှိလာသော ကလေးငယ်များအတွက်လည်း ဖြည့်စွက်အစားအစာနှင့် ကလေးအသုံးအဆောင်ပစ္စည်းများကို အကျဉ်းသူမိခင်များထံ လှူဒါန်းပေးခဲ့ပါသည်။
(၂၈.၁.၂၀၂၂)နေ့တွင် MWCDF အသင်းမှ ခေတ္တဥက္ကဌနှင့် CEC အဖွဲ့ဝင်များသည် နေပြည်တော်၊ ပုဗ္ဗသီရိ မြို့နယ်၊ မင်္ဂလာသီရိပတ္တာကျောင်းတိုက်သို့ သွားရောက်၍ ကျောင်းထိုင်ဆရာတော်နှင့် သံဃာတော်များ အတွက် ဝတ္ထုငွေ၊ ဗလာစာအုပ်၊ Mask, ဆေးအိတ်၊ ဆပ်ပြာဆီဘူး၊ ဖယောင်းတိုင်နှင့် ဆန်၊ ဆီ၊ ကုလားပဲ၊ ကြက်သွန်အစရှိသည့် အခြေခံစားသောက်ကုန်များ လှူဒါန်းခဲ့ပါသည်။
(၂၅.၁.၂၀၂၂)နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)ရုံးချုပ်၊ နေပြည်တော်၌ ခေတ္တဥက္ကဌ၊ ဒုဥက္ကဌနှင့် CEC အဖွဲ့ဝင်များသည် ရတနာစံပရိယတ္တိ စာသင်တိုက်မှ ဆရာတော်နှင့် သံဃာတော်အရှင်သူမြတ်(၅)ပါးအား ပင့်ဖိတ်၍ အန္တရာယ်ကင်းပရိတ် တရားနာယူကာ ဝတ္ထုငွေ၊ သင်္ကန်း၊ လှူဘွယ်ပစ္စည်းများ ကပ်လှူပြီး နေ့ဆွမ်းဆက်ကပ် လှူဒါန်းခဲ့ပါသည်။
(၁၄.၁.၂၀၂၂)နေ့တွင် MWCDF အသင်းမှ ရုံးအဖွဲ့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက်အထိမ်းအမှတ်အနေဖြင့် သားဖွားမီးယပ်ဆေးရုံ၌ တက်ရောက်ကုသနေသော လူနာများနှင့် လူနာစောင့်များအား နေ့လည်စာ-ထမင်း၊ ကြက်သားဟင်း၊ မုန်လာဥချဉ်ရည်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။
