MWCDF

(၂၁.၂.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် နေပြည်တော်၊ ပျဉ်းမနားမြို့နယ်၊ သန္တာရာမသီလရှင်စာသင်တိုက်တွင် ကျင်းပပြုလုပ်သော အသံမစဲမဟာပဌာန်းရွတ်ဖတ်ပူဇော်ပွဲ အောင်ပွဲနေ့အခမ်းအနားတွင် သံဃာတော်များနှင့် သီလရှင်ဆရာလေးများအား ဆွမ်းကပ်လှူဒါန်းခြင်း၊ တိုက်အုပ် သီလရှင်ဆရာကြီးအား နဝကမ္မဝတ္ထုငွေလှူဒါန်းခြင်း၊ ဆန်၊ ဆီ၊ ဆား၊ စားသောက်ဖွယ်ရာများလှူဒါန်းခြင်းနှင့် အသက် (၇၀)ကျော် သီလရှင်ဆရာကြီး (၁၃)ပါးတို့အား တစ်ပါးလျှင် အလှူငွေ (၁၀,၀၀၀)ကျပ်စီ လှူဒါန်းဒါနပြုခဲ့ကြပါသည်။

(၁၂.၂.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဒုဥက္ကဌနှင့် အဖွဲ့ဝင်များသည် ပဲခူးတိုင်းဒေသကြီးအစိုးရအဖွဲ့မှ ကြီးမှူးကျင်းပသော (၇၇)နှစ်မြောက် ပြည်ထောင်စုနေ့ သဝဏ်လွှာဖတ်ကြားပွဲအခမ်းအနားသို့ တက်ရောက်ခဲ့ပါသည်။

(၁၂.၂.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့် ကလေးသူငယ်များဘဝမြှင့်တင်ရေးအသင်း (MWCDF) မှ ဗဟိုအလုပ်အမှုဆောင်သည် နေပြည်တော်၊ မြို့တော်ခန်းမရင်ပြင်၌ ကျင်းပပြုလုပ် သော (၇၇)နှစ်မြောက် ပြည်ထောင်စုနေ့ ဂုဏ်ပြုညစာစားပွဲနှင့် ဂုဏ်ပြုဖျော်ဖြေပွဲ အခမ်းအနားသို့ တက်ရောက်ခဲ့ပါသည်။