နေပြည်တော်တိုင်း MWCDF မှ EC Meeting ပြုလုပ်ခြင်း
(၁၀.၆.၂၀၂၃)နေ့တွင် နေပြည်တော်တိုင်း MWCDF အသင်း၏ EC Meeting ကျင်းပပြုလုပ်ခဲ့ပါသည်။
သင်တန်းပူးပေါင်းဖွင့်လှစ်ခြင်း
(၉.၆.၂၀၂၃ မှ ၁၁.၆.၂၀၂၃)နေ့အထိ ပဲခူးတိုင်းလူမှုဝန်ထမ်းဦးစီးဌာနနှင့် တိုင်း MWCDF အသင်းတို့ ပူးပေါင်း၍ အိမ်တွင်းမှု လက်မှုပညာ “လက်ကိုင်အိတ်ထိုးနည်းသင်တန်း” ဖွင့်လှစ်ခဲ့ပြီး အဆိုပါသင်တန်းသို့ ပဲခူးတိုင်း MWCDF အဖွဲ့ဝင်များတက်ရောက်ခဲ့ပါသည်။
ချီးမြှင့်ဂုဏ်ပြုခြင်း
(၂.၆.၂၀၂၃)နေ့တွင် နယုန်လစာပြန်ပွဲဆုရရှိသူဆရာလေးများအား ပဲခူးတိုင်း MWCDF အသင်းမှ ချီးမြှင့်ဂုဏ်ပြုကန်တော့ခဲ့ကြပါသည်။
ကျောင်းသား/သူများအား စာအုပ်လှူဒါန်းမှုနှင့် ဟောပြောခြင်း
(၁.၆.၂၀၂၃)နေ့တွင် ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များသည် အထက်တန်းကျောင်းသူများအား ကျောင်းဖွင့်ရာသီအတွက် ရေးစရာစာအုပ်နှင့် ဖတ်စရာအသိပညာပေးစာအုပ်များပေးဝေလှူဒါန်းခဲ့ပြီး သက်ငယ်မုဒိမ်းအကြောင်း ဆွေးနွေးဟောပြောခဲ့ပါသည်။
အလုပ်ရုံဆွေးနွေးပွဲတက်ရောက်ခြင်း
(၈.၆.၂၀၂၃)နေ့၊ ကရင်ပြည်နယ်၊ ဘားအံမြို့၊ ဇွဲကပင်ခန်းမတွင် ကရင်ပြည်နယ်အမျိုးသမီးကော်မတီမှ ကြီးမှူး၍ ၂၀၂၃ ခုနှစ်၊ ဇူလိုင်လ(၃)ရက်နေ့တွင် ကျရောက်မည့် မြန်မာအမျိုးသမီးများနေ့အထိမ်းအမှတ်အကြိုလှုပ်ရှားမှုအနေဖြင့် “အမျိုးသမီးများ ဘဝမြှင့်တင်ရေးနှင့် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ” သို့ ကရင်ပြည်နယ် MWCDF အသင်းမှ အဖွဲ့ဝင်များ တက်ရောက်ခဲ့ပါသည်။
လုပ်ငန်းညှိနှိုင်းအစည်းအဝေးတက်ရောက်ခြင်း
(၈.၆.၂၀၂၃)နေ့၊ နေပြည်တော်ကောင်စီရုံး အစည်းအဝေးခန်းမ(၂)တွင် ကျင်းပပြုလုပ်သော ရှေးဦး အရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း ကြီးကြပ်မှုကော်မတီ၏ လုပ်ငန်းညှိနှိုင်းအစည်းအဝေးသို့ နေပြည်တော်တိုင်း MWCDF အသင်း ဥက္ကဌ တက်ရောက်ခဲ့ပါသည်။
